08:33 Äleme belgilidir | |
ÄLEME BELGILIDIR
Dostlar-a, dostum meniň şirin jandan söýgülidir, Jan kibi pynhan jahanda äleme belgilidir. Baş bile barsam aňa, handan olursa güzeri, Tutsam ol ýerde watan, ol ýer ki anyň ýoludyr. Diýrdi ýar: Men aşygym öz elim le katl edem, Andan owwal gam meni paýmal edip almalydyr. Özge aşyklaryň olsa paýy bent zülp-taryna, Men garyby-bendäniň hem eli, hem aýagydyr. Gaýry le bezm eýleýip, eýlese hoş köňlüni ýar, Mejlis içre ýat edip diý: “Ol garyp gaýgylydyr”. Ýar geler, wagt-da gider, gaflata batmyş gözlerim, Açaýyn diýsem, açylmaz, ne agyr uýkulydyr. Bilmeýen soranlara aýdyň bu garyp adymyz, Asly gerkez, ýurdy Etrek, ady Magtymgulydyr. Magtymguly PYRAGY | |
|
√ Suwdan ot çykaran goşgy / Goşgular - 31.01.2024 |
√ Gowy görülen goşgy / Goşgular - 05.01.2024 |
√ "Bagşylara" / Goşgular - 07.02.2024 |
√ Rubagylar / Goşgular - 01.01.2024 |
√ «Превратила всё в шутку сначала…» / Goşgular - 29.02.2024 |
√ Dünýe... / Goşgular - 11.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Nädip ýaşamaly?! / Goşgular - 13.01.2024 |
√ Gökdepäm / Goşgular - 22.03.2024 |
√ Garaş maňa / Goşgular - 17.02.2024 |
Teswirleriň ählisi: 0 | |