05:48

Ýusup diýe-diýe

ÝUSUP DIÝE-DIÝE

Men Ýakubam, ahy-zary,
Çekem, Ýusup diýe-diýe.
Gõzlerimiñ ganly ýaşy
Dõkem, Ýusup diýe-diýe.

Pelek aglar gõzýaşyma
Ne sõwda saldyñ başyma,
Mejnun bolup dag başyna
Çykam, Ýusup diýe-diýe.

Her tarapdan jylga-jylga,
Bulut oýnar, salar kõlge.
On iki dag, ýedi jülge
Sõkem, Ýusup diýe-diýe.

Gitdi Ýusup, gelmez habar,
Turar men ýyglap her säher,
Gala-gala, şäher-şäher,
Sõkem, Ýusup diýe-diýe.

Meger Ýusup düşdi çaýa,
Jemalyñ diýp bakam Aýa.
Yrak zemin Kerbelaýa
Bakam, Ýusup diýe-diýe.

Hasratyma pelek ýyglar,
Aşyk boldy dilsiz zaglar,
Perhat bolup beýik daglar,
Çykam, Ýusup diýe-diýe.

Ýusup gezer dilden-dile,
Şeýda bolup gülden-güle,
Sorag salyp ilden-ile,
Çykam, Ýusup diýe-diýe.

Õter eýýam dõne-dõne,
Geçer bu jan ýana-ýana
Erte, agşam Aýa, Güne
Bakam, Ýusup diýe-diýe.

Magtymguly, dost ýüzünden,
Durmaz, ýaş akar gõzünden,
Bilbil bolup ýar sõzünden,
Okam, Ýusup diýe-diýe.

Magtymguly PYRAGY.
Категория: Goşgular | Просмотров: 403 | Добавил: Nurdan | Теги: Magtymguly Pyragу | Рейтинг: 4.0/2
Awtoryň başga makalalary

Goşgular bölümiň başga makalalary

Siziñki / Goşgular - 30.01.2024
Lenç edilen nakyl / Goşgular - 05.02.2024
Şert / Goşgular - 09.02.2024
Salam, Türkmenistan! / Goşgular - 01.01.2024
"Garrap ýörünmi ýa men..." / Goşgular - 01.01.2024
Rubagylar / Goşgular - 01.01.2024
Wiswisi lakamly obadaşymyň ömür beýany / Goşgular - 25.03.2024
Suwdan ot çykaran goşgy / Goşgular - 31.01.2024
Puluň başarnygy barada agymtyl goşgy / Goşgular - 10.01.2024
Was-wasylara... / Goşgular - 23.01.2024

Teswirleriň ählisi: 1
0
1 Garaýolly  
27
Dananyñ zer akymyndan bir damja

Teswiri diňe saýta agza bolan ulanjylar goşup bilýär.
[ Agza bol | Saýta gir ]