21:07 Baku gijeleriniñ birinde | |
BAKU GIJELERINIÑ BIRINDE
Ol gije beslenip täk başyma men, Deñiz gyrasyna seýle çykýardym. Kä halka garyşyp ileri gidip, Käte-de asmana durup bakýardym. Bakdygymça ýene-ýene bakýardym. Çünki gök ýüzünden kümüş gözli Aý, Altyn zülplerini deñze dökýärdi. Göýä ol gözeliñ aşygy - deñiz, Galkyna-galkyna ýene çökýärdi, Gaýtadan ýene-de zülpün öpýärdi. Emma durdugyça, ol näzli melek, Ýygnap zülplerini göge galýardy. Bu gözel görnüşi duýdukça ýürek, Bir otly söýgini ýada salýardy. Aý peri düýrlenip ýene galýardy. Käte-de süzülen humar gözüni, Äleme bildirmän gizlin gypýardy. Göýä wada berip gypanda gözün, Ýarynyñ elinden zülpi sypýardy, Aý peri gözüni ýene gypýardy. Men-de gözelligiñ aşygy Gara, Göz güldürip gaşlarymy kakýardym. Kä gökdäki Aý perige ýüz tutup, Kä-de deñiz tolkunyna bakýardym. Bakdygymça ýene-ýen bakýardym. Gara SEÝITLIÝEW. | |
|
√ Ýagyş damjasy / Goşgular - 24.03.2024 |
√ Rubagylar / Goşgular - 13.01.2024 |
√ "Gelin jan..." / Goşgular - 26.03.2024 |
√ Dostluk hakda / Goşgular - 18.02.2024 |
√ Ak buýnuzly ak maral / Goşgular - 01.01.2024 |
√ «Отвергнув гордое сомненье…» / Goşgular - 29.02.2024 |
√ Düýş hem ýagyş / Goşgular - 09.01.2024 |
√ Göreş / Goşgular - 11.02.2024 |
√ Gije hem gündiz / Goşgular - 07.02.2024 |
√ Alabahar / Goşgular - 21.03.2024 |
Teswirleriň ählisi: 0 | |