GEL
Gel,
Oñuşsak oñşaly adam şekilli,
Ile meñzäp ýaşap göreýli bizem.
Hanha,
Kepän dodagyny namysdan ýaryp,
Yzymyzda gurap barýar lebizem.
Gel,
Aýrylmaly bolsa,
Aýrylyşaly.
Jähennem,
owarra bolsun hemme zat.
Kebelekler ürküp gitdi bireýýäm,
Ýasama açylan güllerimizden.
Aýralygam agyr däldir hut biziñ
Oñuşman geçirýän günlerimizden.
Gel,
Köp zatlary duýýan öñünden,
Bilýänimem az däl bilmeýänimden.
Bilýän,
Kän zatlary bilýän öñünden.
Aýt,
sen bir bilermikäñ näm etjegimi
salama degmeýän bir kimsä öwrüp,
ýyllar seni çykaraýsa öñümden?..
Ýalñyşyp düşünmäli,
Gel!
Jumamyrat JUMAÝEW,
Dänew etrabynyñ ýaşaýjysy.
