02:44 Gökdepäm | |
|
GÖKDEPÄM
Goşgular
 Ilerimiz Akmaýa deý Eregim, Gaýramyzda guba çägäm Garagum, Arasynda iki didäm-garagym, Eziz galam, dogduk depäm - Gökdepäm! Diňlidepä çykyp, garasaň daşyň, Sessiz agy gurşap alar seň daşyň. Geçmişiň ýatlamda aýlanýar başym, Eziz galam, dogduk depäm - Gökdepäm. Göbek ganym daman, eý Ata Ýerim! Men senden aýrylyp, nirä giderin?! Ýatyr sende müňläp şehit pederim, Eziz galam, dogduk depäm - Gökdepäm! Gökdepe mukamy - ne ajap mukam, Gönübegiň hak myrady dälmikän. Ahalyň göbegi - gadymy mekan, Eziz galam, dogduk depäm - Gökdepäm! Ar-namysy ýatyr sende türkmeniň, Orazmämmet, Dykma, Nurberdi hanyň. Gurbanmyrat işan - dinim-imanym, Eziz galam, dogduk depäm - Gökdepäm! Göbek ganym daman, eý Ata Ýerim! Men senden aýrylyp, nirä giderin?! Ýatyr sende müňläp şehit pederim, Eziz galam, dogduk depäm - Gökdepäm! Ilmyrat PUDAKOW. | |
|
| |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Meýdan güli / Goşgular - 30.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Ýaraly ýüregiň owazy / Goşgular - 22.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Ýagşy niýetler / Goşgular - 08.01.2025 | |
| Teswirleriň ählisi: 0 | |