Главная » 2021 » Iýun » 20 » Gyzlaryma
23:59

Gyzlaryma

GYZLARYMA

Bägüliň tohumyn ekdim bagymda,
Topragyn ýumşadyp, siňdirdim yhlas.
Sowukdan, yssydan, ýelden, ýagmyrdan,
Suwsuzlykdan ony edipdim halas.

Ynha-da gunçalap açylan çagy,
Bezedi dünýämiň owadan bagyn.
Eý, ajaýyp pursat, bagtly pursat,
Bolmanda ýenede bir günjük sägin.

Bägülim açyldy gün-günden parlap,
Zähmet çekdim, işledim, daşynda derläp,
Bilbil peýda boldy bagymda birden,
Uçup geldi ol guş bilmedim nirden?

Bägül telwas etdi bilbile sary,
Bagbanyn ýadyndan çykardy bir dem.
Bilbil aşyk bolup saýrady zaryn,
Bägül hem bilbile beripdi ýardam.

Azat NURGELDIÝEW.
Категория: Goşgular | Просмотров: 410 | Добавил: Azat_Nurgeldi | Теги: Azat Nurgeldiýew | Рейтинг: 3.5/2
Awtoryň başga makalalary

Goşgular bölümiň başga makalalary

√ Meniñ monologym / Goşgular - 01.01.2024
√ Gökdepäm / Goşgular - 22.03.2024
√ Sowuk söz / Goşgular - 31.01.2024
√ Göreş / Goşgular - 11.02.2024
√ Täjir tanşyma / Goşgular - 16.01.2024
√ Ýolbars we Möjek / basnýa / Goşgular - 05.01.2024
√ «Превратила всё в шутку сначала…» / Goşgular - 29.02.2024
√ "At bilen kowalap gördüler ony..." / Goşgular - 01.01.2024
√ Şert / Goşgular - 09.02.2024
√ Perişan kalbyñ umydy / Goşgular - 01.01.2024

Teswirleriň ählisi: 2
0
1 myhman  
732
biraz pikir alyşsak bor-a, Azat aga (çekinilýärem dogrusy).
goşgy erbet däl. meň aýtjaklam ownuk-uşak zatlar-laý ýöne.

Bägüliň tohumyn ekdim bagymda,
Topragyn ýumşadyp,siňdirdim yhlas.
Sowukdan,yssydan,ýelden,ýagmyrdan,
Suwsuzlykdan ony edipdim halas.

halk aýdym diňläp ýören biri bolamsoň, birinji setire birhiliräk düşündim (belki şeýle düşüniň diýip ýazansyňyz). halk aýdymlarda-da şonýaly ýerini şahyranalyk hasaplamok men-ä. onda-da собственны bagyň hakynda bolsa.

dördünji setirdäki "edipdim halas" "yhlas" bilen kapýalaşdyrmak üçin duran ýaly. biri bir zada uçransoň halas edilýä dämi!? siz bäwüliňizi bir zada uçramakdan goran bolaýmaň!? şoňüçin "rifma hiçlaý" diýip "goradym", "goragladym" ýaly bir zat diýen bolsaňyz näderdi. hatda siz ony şo bilbildenem gorajak bolansyňyz :-) "bagbanyn ýadyndan çykardy" diýip, gabanylanyna bildiripsiňiz (ahyrynda bir bilbiliň güli bolmaly bolsa-da, bilbillerden seresap bolmaly. meňem ýetişdirýän güljagazlam bar iki sany :-))

ikinji bendi aýyrsaňam hiç zat ýitirmezmikäňiz diýýän. düzetmeli ýeri kän. ýa-da tutuşlygyna täzeden işlemeli.

Bolmanda ýenede bir günjük sägin.

öňem säginen däldir-laý.

Bägül hem bilbile beripdi ýardam.

şu iň soňky setirde-de bir näsazlyk bar öz-ä. nädip düşündirjegimi bilemok.

gaty görüşmeşek ýok. bular ýöne ownuk-uşak zatlar hakynda pikirlenişmek diýen ýaly zatlar.

üstünlik.

0
2 Azat_Nurgeldi  
283
Belliklerňiz üçin minnetdar. Bu ýerde gaty görer ýaly zat ýok.

Teswiri diňe saýta agza bolan ulanjylar goşup bilýär.
[ Agza bol | Saýta gir ]