21:59

Iki bende sygan ömür

IKI BENDE SYGAN ÖMÜR

Gapyrga deý etimi,
Sypyrdylar, iýdiler.
Garynlary doýansoň,
bir gury süňk diýdiler.

Itiň öňüne düşdüm,
Gerekledi, gemirdi.
Şu ýazanja setirlem,
Maňa berlen ömürdi.

Azat NURGELDIÝEW.
Категория: Goşgular | Просмотров: 475 | Добавил: Azat_Nurgeldi | Теги: Azat Nurgeldiýew | Рейтинг: 1.5/2
Awtoryň başga makalalary

Goşgular bölümiň başga makalalary

Göreş / Goşgular - 11.02.2024
Жизнь / Goşgular - 29.02.2024
Ak buýnuzly ak maral / Goşgular - 01.01.2024
Bagyşla! / Goşgular - 01.01.2024
Günüñ monology / Goşgular - 01.01.2024
Täjir tanşyma / Goşgular - 16.01.2024
Kyrk ýaşa ýüzlenme / Goşgular - 03.02.2024
Mürze ýigit / Goşgular - 12.03.2024
"At bilen kowalap gördüler ony..." / Goşgular - 01.01.2024
Düýş hem ýagyş / Goşgular - 09.01.2024

Teswirleriň ählisi: 19
0
1 mango  
651
Ömri iki bende sygdy.
Birinjide: etini iýdiler;
Ikinjide: süňkini gemirdiler.
Bu nähili ömür?

0
2 mango  
651
1) Gapyrga deý etimi sypyrdylar...
2) Gapyrga syran deý, etimi syrdylar...

Azajyk nyşanadan uzaklaşypmy, gapyrgaly ýeri?
—-
Näme diýjegimi bilemok.
Gyzykly bir zatlar-a etjek bolupsyň.
Üstünlikler.

0
3 Myhman0430  
778
göni (momentde) aklyma gelen pikirler:

etini iýmek - gybaty edilmegi
gapyrga syrmak - ýüz görmek

şahyr bu zatlary gözöňünde tutup tutmanyny bilemok.
hiç many çykaryp bilmedim. diňe arza şikaýat bolsa bilemok.

0
4 Azat_Nurgeldi  
283
"Ömri iki bende sygdy.
Birinjide: etini iýdiler;
Ikinjide: süňkini gemirdiler.
Bu nähili ömür?" @Mango.

Dogrydanam, @Mango, bu nähili ömür? Şu sorag meni hem günüme goýmansoň ýazdym şu setirleri.

Bu neneňsi durmuş,bu niçik ahwal,
Ömür maňa berlen,ýöne meňki däl.
Özge birniň ýazan kada-kanunna,
Uýup ýaşamaklyk adatmy munda?
Eginlerňi gysyp,başyňy egip,
Gezmeli darajyk çarçuwa sygyp.
Özgäň göwni diýip,öz göwnüň döwüp,
Wysalňy çözülmez bir bukja düwüp,
Kalbyň aram tapman çekýärkä jebir.
Ýaşamagam agyr,ölmegem agyr.

0
5 bbaygeldiyew  
770
Bir gyzyň içgepletmesine meňzeýä

0
6 Azat_Nurgeldi  
283
Her kim öz göwnüne osar diýilenini etdiň :-)
Gyz kalby bilen okasaň şeýle bolmagam mümkin. Goşga her bir okyjy özüçe düşünip baha berýär .

0
9 mango  
651
Baýgeldi jigimiz bu günler her kimde bir gyz görýär.
Maňa-da bellik etdi: “sizde erkek emosiýasy duýulanok, ...siz haýsy ynsan?” diýip.
Ine-de siz barada: “gyzyň içgepletmesine” meňzedildiňiz.
:-)

0
12 Azat_Nurgeldi  
283
Ýaş oglandyr, diňe düýşünde däl, saýtlardada gözüne hemmeler gyz bolup görünýändir :-)
Ony öýlenmedik bolsa öýermeli, öýlenen bolsada gelinine duýdurmaly berkje sakla diýip :-)

0
7 mango  
651
Ýan dädeňki ýaly ölýänçäň gaýrat etmeli bolaýmasa.
Senem “jebir çekýän kalp bilen ýaşamagyňam, ölmegiňem agyrlygyny” agzaýaň.
Ýan däde: “ynha ölerin, onsoň batyr bolaryn” diýýämi? Şoňky ýaly ynha öleris, onsoň jebirem çekmeris.
Oňa çenlem gaýrat et.

1
8 Azat_Nurgeldi  
283
Ölümden soňam zulum barmyş diýýärler, görüp gelen-ä ýok, ýöne eden günälerimizem az däl, galanynam başa gelende göreris, nesip bolsa.

0
10 Myhman0430  
778
zulum dälde azap diýjek bolduňyz öýdýän. has dogrusam jebir. jebir garşylyk diýmekmiş.

0
13 Azat_Nurgeldi  
283
Hawa, zulum sözüni ölüm bilen kapyýalaşdyran bolşum boldy, ýöne ýalňyşdygyny özümem aňdym, jabir, ezýet bolmaly aslynda.

0
15 Myhman0430  
778
alňasap garyşdyrypdyryn, aslynda ejir diýjek boldum, jebir gitipdir, aýyplaşmaň.

0
11 mango  
651
“ Ölümden soňam zulum barmyş ” diýsek doly bolanok. Ölümden soň hasap bar diýeli, hasaba göräde hasaplaşmak bar. Zulum boanda nähaklyk bar. Bärde nähaklyk (zulum) edilse-de aňyrda edilmezmikä diýýän.
Garaz... Özi merhemet etsin.

0
14 Azat_Nurgeldi  
283
Ýokarda @Myhman agzada aýdyp geçipdir, dogry aýtdyň eden günäleriň jezasyny çekmeli bolar. Oňa zulum diýilmeýär, oňa wyždanyň berýän jebiri diýsek ýalňyşmarys.

0
16 Gumlygelin  
8
Ylhamyñ egsilmesin Azat aga.

0
17 Azat_Nurgeldi  
283
Azajyk pikirlenen bolsaň, azabymyň ýerine düşdügi .Şahyryny, setirlerini unudanyň aýyby ýok. Her okyjy öz isleýşi ýaly kabul edýär, okan zadyny. Ýöne teswir ýazanyň üçin minnetdar, diýmek azda kände täsirini ýetiripdir. Pikiriň üçin minnetdar, geljekde göz öňünde tutaryn .Indiki goýjak goşgylarymda hem bellikleriňe garaşýaryn.

0
18 gulbaharmyradova19  
950
Mena dusunmedim bu gosga

0
19 Sergezzan  
707
Doguldyň, ejir cekdiň, öldüň. Barsy şulardan ybarat. Galanlary boş gürrin

Teswiri diňe saýta agza bolan ulanjylar goşup bilýär.
[ Agza bol | Saýta gir ]