13:29 Halypa | |
HALYPA
Hudaýberdi agaň namaçy ogly, Möwç uranda göýä Hazar, halypa. Ýedi ölçäp, biçer, kesende dogry, Hak Hudadan almyş güzer, halypa. Käte söhbet edip saçak başynda, Agtyklar aý berip otyr daşynda, Köstün goýman bitir eden işinde, Gaýnap, dolup – daşyp ýazar, halypa. Magtymguly, Andalyba örklenip, Biliň guşap çykdyň galamyň alyp, Öz ýüzüň görkezdiň Nyzamy bolup, Bilmedim kim senden ozar, halypa. Mollanepes bolup joşanda yşky, Seleňlär asmanda kenizleň köşgi, Dünýäni doldurar anbaryň müşki, Nowaýy eýländir nazar, halypa. Gelnejem gök çaýdan ýetir eýini, Onsoň dörär Jamy bolmak meýili, Sagdy sary öwrüp köçe – küýüni, Ajap namalary düzer, halypa. Ylham eleginde saýlar çäjini, Görkezer sungatyň jady – güýjüni, Depesinde poeziýaň täjini, Göterip, ummanda ýüzer, halypa. Sapargeldi şahyr çäksizdir öriň, Aslyň Momataýdan, gurt seniň tiräň, Şägirtleňden doly seretseň niräň, Nerguly waspyňy ýazar, halypa. ▶ GELNEJE ( Arslanyň doglan gününe bagyşlanýar). Tüweleme uly döwlet eýesi, Guwan, buýsan sen, Ogultäç gelneje, Sapargeldi akgaň ykbal söýesi, Ömür sürüň garrama hiç, gelneje. Myhman gelse ornun görkezýäň törden, Argynlyk duýmaýaň hyzmata girseň. Datly tagamlardan lezzet getir sen, Diýmersiň ir ertir, ýa giç, gelneje. Iliň ogly boldy çagalaň seniň, Göz degmesin, öz ugruna edeniň. Mydam ýörgür bolsun döwlet bedewiň, Bagtyň bolsun dagda turaç, gelneje. Gyzlaň bezeg boldy ak otaglara, Gaýynlar buýsanyp bakýar olara. Goňşulara ýollap goňşyokara, Gatnaşykda mydam gap – gaç, gelneje. Agtyklaň aýlanyp dursa daşyňda, Salym goýman biter buýran işiň- de. Ene sen, mama sen aýny ýaşyňda, Dowamatyň bolsun goç – goç, gelneje. Hyzmatyňa gaýym, gamak gelinleň, Toýlar tut sen ýylda telim – telimden. Sallançagyň bagy düşmän eliňden, Täze bäbek bersin wraç, gelneje. Ýaşuly gojalmaz seniň baryňda, Ýüz ýyl işlese- de söýen kärinde. Janyň sagat ýüwrüp ýörseň ugrunda, Enşalla tapanyň bor çäç, gelneje. Beren tagamyňa, duzuňa tagzym, Ömür bereketiň eçilsin taňrym. Nerguly ýürekden diňleseň, dogrym, Bolsun, mydam işiň rowaç, gelneje. Nerguly ÖWLÜÝÄGULYÝEW. | |
|
√ Puluň başarnygy barada agymtyl goşgy / Goşgular - 10.01.2024 |
√ "Gelin jan..." / Goşgular - 26.03.2024 |
√ «Превратила всё в шутку сначала…» / Goşgular - 29.02.2024 |
√ Estagfurullaly bentler / Goşgular - 14.02.2024 |
√ Dostluk hakda / Goşgular - 18.02.2024 |
√ "At bilen kowalap gördüler ony..." / Goşgular - 01.01.2024 |
√ Ynanarmykan? / Goşgular - 30.01.2024 |
√ Gije hem gündiz / Goşgular - 07.02.2024 |
√ Şemally gün / Goşgular - 27.01.2024 |
√ Garyp köñlümiñ soltany / Goşgular - 21.02.2024 |
Teswirleriň ählisi: 0 | |