Köne pereji

KÖNE PEREJI

Agysy içine sygarly däldi,
Ýaşa dolup gam-gussaly göreji.
Ýatyr hesretini başyna büräp,
Ýatyr için tutup köne pereji.

Biz oña ynandyk agyr ykbaly,
Ynandyk öz döz gelmedik derdimiz.
Biz adam ýitirip, ah çekip ýörkäk,
Saña sessiz ýanmak ezýet berdimi?!.

Aý-ýyllar öwüsip ýarañ ýüzünden
Bu abat göwünler galar bertikli.
Seni başa atyp bozlan gelinleñ,
Bagyr awusyndan kalbyñ ýyrtykdyr.

Olar ýürekleri sarsan günden soñ
Saña üýşenipler bakdy, ýigrendi.
Şor çykan mañlaýyna müñ nälet okap,
Sen öz ykbalyñdan näler jowrandyñ.

Wagt geçer gözýaşymyz sylarda
Ýene-de toý tutup, güljegimiz hakdyr.
Bu agylar heniz gulagyñdaka
Señ kalbyña ömür kepeme ýokdur.

Şeýdip agymyza aglar ýatarsyñ,
Ýigrenji zar kimin zyñlan ýerinde.
Ýan pereji, aglap egis derdimiz,
Ýöne ony gozgap göze görünme.

Ýegşerdiñ bar zada günäkär ýaly,
Ähli zady öz başyña bürediñ.
Ykbalyña ýanmak ýazlypdyr ahyr
Wah köne pereji
Köne pereji...

Gözel ZARYPOWA.

"Edebiýat we sungat" gazeti, 1988.