17:51

Köňül pelsepesi

KÖŇÜL PELSEPESI

Duýmasam durmuşyň dabarasyny,
ýerlemesem gujagynda günleriň.
Derwüş deý syrymy gizläp içimde,
gije-gündiz golda bolsa gülberim.
Sen maňa düşün!

Paýlap juwan ömrüm bolsadylara,
ham hyýallaň hasylyna garaşsam.
Görülmedik günde sezsiz şäheriň,
bir näbelet köçesinde azaşsam,
didelerden, didarlardan ara açsam,
Sen maňa düşün!

Inçe billi ýodalarda usurgap,
teýim kylsam husnuň istäp çöl içre.
Seri sergin sähralarda syňsyrap,
hoş söz üçin bagtym bersem müň hijre.
Sen maňa düşün!

Dodagymdan damyp bilmän hak sözim,
damarymda doňup galsa buz deýin.
Päk niýetleň pellesinde bir pursat:
Başa çeksem, Haýýam göteren meýin.
Sen maňa düşün!

Düşün maňa!
Ýeller öpen,
Gün ogşan,
Geýimsiz daglara ýerlese ruhum.
Dünýäň dabanynda ýyldyrym çakyp,
Badam gözýaşymdan püre-pürlense.
Gözläp gözýetimden gämisin Nuhuň,
Düýnleriň düşünde geljegim görsem,
Bir gün ýetmek üçin seniň ýanyňa.
Her demimde, ädimimde özgersem,
...Ýol ýitirsem ýetip bilmän menzile,
Al ýanyňa, bakyp solan meňzime.

Muhammet BEKGIÝEW.
Категория: Goşgular | Просмотров: 475 | Добавил: Aziza | Теги: Muhammet Bekgiýew | Рейтинг: 4.6/7
Awtoryň başga makalalary

Goşgular bölümiň başga makalalary

Puluň başarnygy barada agymtyl goşgy / Goşgular - 10.01.2024
Dünýe... / Goşgular - 11.02.2024
Kyrk ýaşa ýeteniñde / Goşgular - 03.02.2024
Meniñ monologym / Goşgular - 01.01.2024
Rubagylar / Goşgular - 13.01.2024
"Gitdim senden ilerledip ümzügi..." / Goşgular - 01.01.2024
Şemally gün / Goşgular - 27.01.2024
Nädip ýaşamaly?! / Goşgular - 13.01.2024
Perişan kalbyñ umydy / Goşgular - 01.01.2024
Eýdip-beýdip... / edebi ýaňsylama / Goşgular - 12.01.2024

Teswirleriň ählisi: 2
0
1 Garayolly1936  
830
Gowy goşgy

0
2 Allanazar  
878
Oňat ýazylypdyr, oňat goşgy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]