Главная » 2022 » Dekabr » 18 » Men Noeli juda halaýan musulman, baýramçylygyñ adyny meniñ üçin üýtgetjek bolmañ!
13:42

Men Noeli juda halaýan musulman, baýramçylygyñ adyny meniñ üçin üýtgetjek bolmañ!

MEN NOELI JUDA HALAÝAN MUSULMAN, BAÝRAMÇYLYGYÑ ADYNY MENIÑ ÜÇIN ÜÝTGETJEK BOLMAÑ!

Noelde duýgularyna esewan edilmegini isleýänler hristian bolmadyklar däl. Bu bizi ynjyk we gödek görkezýär.

Noel aslynda iñ giñ gurşawly baýramçylyklaryñ biri. (Pexels)

Men Noeli - Täze ýyl gününi juda halaýaryn. Elbetde, meniñ muña duýýan ýakynlygym dünýewi görnüşde, sebäbi men "dininiñ amallaryny berjaý etmeýän" musulman. Şol sebäpli Birleşen Korollykdaky Brigton uniwersitetiniñ Noel sözüni ulanmakdan gaça durmagy we munuñ ýerine "gyşky ýapyk möwsüm" diýmegi maslahat berip, broşýura çykarmagyna düşüner ýaly däl.
Olara-da düşünýän, adamlary çetleşdirmek islänoklar. Emma beýtmeklik ýagşy niýetli liberal taraplar üçin düýpli mesele bolup durýar. Ynjalyksyzlygyñ ýa-da ynjytmagyñ öñüni aljak bolup, rituallary paýlaşmagyñ güýjüni gözden sypdyrýarlar hem-de tersine bolanda jemgyýetleriñ dil tapyşmagy üçin giñ gurşawly we möhüm ýol görkeziji bolmaga mynasyp däp-dessurlara zyýan berýärler. Has giñ gurşawly dil ulanjak bolýandyklary üçin-ä berekella diýmeli. Hemme zady göz öñüne tutýandyklary gowy zadam bolsa, gynansak-da, professionallaşan hoşgylawlylyk hökmünde orta çykýar.
Hem az-owlak samsyklaç. Noelde duýgularyna esewan edilmegini isleýänler hristian bolmadyklar däl. Bu bizi ynjyk we gödek görkezýär.
Hemmämiz dekabrdaky ofis üýşmeleñinde nähili "saýrylaşdyrýandygymyzyñ" gaýgysyny edip gorkanok. Haýsy dine uýýanam bolsañyz, ýylyñ ahyrky birküç gününde hemmeleriñ Täze ýyl güni mynasybetli bezelen nazy-nygmatly saçagyñ başynda iýip-içip oturasynyñ gelýändigine kepilem geçip bilerin.
Şowhun-şagalañly Täze ýyl güni ýetip gelende köp adamyñ göhi gelýär. Täze ýyl gününi bellemek olaryñ dini bolmaýanda-da, birnäçeleri öz däp-dessurlary bilen ugurdaşlykda bellemegiñ tärini tapdy. Nýu-Ýorkda köp sanly jöhit ýerli restoranyñ işlejegini bilensoñ, Noel gününde hytaý naharyny iýmek üçin daşaryk çykýar. Musulmanlaryñam şol çorbada paýy bar. Isa pygambere ynanýanlar hökmünde boý gyzyñ çaga dogurma hekaýatynda Isadan we Merýemden gürrüñ edýäris, hristanlar ýaly biz hem muny oýlanmaga we doga-dileg etmäge mümkinçilik hökmünde peýdalanyp bileris.
Noel aslynda iñ giñ gurşawly baýramçylyklaryñ biri Munuñ özi hemmeleriñ eýe çykyp biljek ýyllyk medeni döreýiş. Hemmämiz otkrytka alşyp-berişýäs, ähli ynançlardan ene-atalar çagalaryny mekdepdäki "Isanyñ dogluşy" pýesasynda görmek isleýär we kim Noel teleýaýlymynda näme boljagyna sabyrsyzlyk bilen garaşanok ýa-da Jon Lewisiñ mahabatyna heýjanlanyp tomaşa edenok?

Noeliñ söwda artykmaçlyklarynyñ bardygyny-da unutmalyñ. Munuñ özi hemmeleriñ gyşdaky etsem-petsemleriniñ esasy parçasy. Meniñ özümiñ-ä "Rowaýaty anna" ("Black Friday") amatlylyklarynda we yzysüre gelýän ýanwar arzanlaşyklarynda elim gelýär. Baýramçylyk döwri özüne çekije bolýar we yşyklandyryjylar, bezegler, dükanlardaky Noel sazlarynyñ pessaýja jyññyrdap durmagy - ony paýlaşylýan gowulyga öwürýär.
Britaniýanyñ asly hindi premýer-ministriniñ öñündäki Rangoli gül dessesi bilen Noel arçasy bilen bolşy öýünde ýaly. Ynanjyñyzyñ sizi kösemegine hajat ýok, sizem ýurduñyzdaky hristian ildeşleriñize tüýs ýüregiñizden "Täze ýylyñyz gutly bolsun!" diýip bilersiñiz. Taryhy öwrenmek, jemgyýete dahylly bolmak we gatnaşmak adamy has az tapawutlandyrýan, has az saýrylaşdyrýan zatdyr. Ulalyp barýan çagakak Noel bilen gyzyklanyp duramzokdyk, ýöne Täze ýyl gününi deñ-duşlarym bilen geçirmek üçin hemişe çagyrylýardym we muña heziller edýärdim. Remezan baýramynda-da ol çakylyklar garşylygyny tapýardy, çünki özgeleriñ siziñ gelip çykyşyñyzy we baýramlaryñyzy öwrenmäge isleg bildirmegi ýaly ýakymly zat ýok.
Ozalybetinde Nýu-Ýorkda hytaý restoranyny ýöretmeýän bolsañyz, munuñ özi köpimiz üçin dynç almaga bahana bolýar. Wagtyñy aýalyñ we çagalaryñ arasynda geçirmegiñ, külli adamzada bolan ýagşy niýetlidigiñizi bildirmek üçin tost aýdyşmagyñ we ýylyñ ahyrynda ýadawlygyñyzy çykarmak üçin az-owlak Noel jadysyndan umydygär bolmagyñ nämesi erbetmiş?!

Salma ŞAH.

Şenbe, 17.12.2022 ý.
Категория: Publisistika | Просмотров: 258 | Добавил: Gökböri | Теги: Salma Şah | Рейтинг: 4.0/1
Awtoryň başga makalalary

Publisistika bölümiň başga makalalary


Teswirleriň ählisi: 8
0
1 baharaliyeva39  
1028
Her ýyl şu täze ýyl baýramçylygy aslynda Hristian dini bilen baglanyşykly bolsa -da müslümanlara -da dert bolaýýa. Gazeteji bolsaň git Yslam taryhyny oka. Däp-dessurlarymyza we medeniýetimize goşulmasa-da, käbir bölümler tarapyndan adamlara salynýan Täze ýyl baýramçylygy dinimize görä rugsat berilmeýär. Musulmanlarymyzyň imanyna howp salýan, dogry ýoldan sowulmagy we Allaha garşy baş götermegi aňladýan günäkär adamlara öýkünip, dünýädäki durmuş äheňlerine öýkünip biljek iň çynlakaý ýagdaýlaryň biridir. Akyly, soň bolsa ýüregi birleşdirip bilýän bu ýagdaýyň öňünde musulmanlaryň Täze ýyly bellemegi düýbünden ýalňyş. Sebäbi Pygamberimiz (SAW): "Kim bir taýpany görelde aljak bolsa, şolardan biridir" -diýdi. (Abu Dawud, Libas, 4/4031). Bu hadysda aýdyň beýan edilişi ýaly, musulmanlara beýleki halklara öýkünmek we olar ýaly hereket etmek gadagandyr. Olar ýaly höwes bilen taýynlyk görmesek we özümizi şol bir kategoriýa goýsak-da, Täze ýyl baýramçylygy üçin öýlerimizdäki sosna agaçlaryny bezäp ýa-da Täze ýyl baýramçylygy üçin sowgat bermek, Täze ýyl teleýaýlym programmalaryna, bingo we ş.m. . Şol güne mahsus işler bilen meşgullanmak dini taýdan ýerlikli däldir.

0
2 baharaliyeva39  
1028
Sen gurban baýramyňda goýun keseňde seniň sogabyňdan umyt etmeýän Hristian belki senden öňde jennete gider.
Sen Noeliň jadysyna garaşyp otyr. Kimliği henüz anyk bilinmeýän Noeliň))))

0
3 Sergezzan  
707
baharalyyewa39, Goýun geplesedi, siz ony kesermidiňiz? Ya-da ony öldürmek jenaýat hasaplanmasy üçin onyň aňynyň biziňki yaly kämil bolmasy gerekmi?

0
4 baharaliyeva39  
1028
Allanyň razylygy üçin, belli bir şertlere laýyk gelýän haýwany Allanyň razylygy üçin belli bir usul bilen, Allanyň razylygy üçin soýmak diýmekdir. Bu ýol bilen soýlan haýwana gurban diýilýär. Dünýälere rehimdarlyk hökmünde iberilen Pygamberimiz s.a.v. Imanlylar üçin hoş habar hökmünde ol: "Adamyň ogly, Gurban baýramynda haýwan gurban bermekden başga Alladan has söýgüli zat etmedi. Şübhesiz, bu gurban kyýamat güni şahlar we saçlar bilen geler. Pidanyň gany ýere gaçmazdan ozal Allah tarapyndan kabul edilendigine şek ýok. Şeýle bolsa, gurbanlyk bilen ýüregiňizi razy ediň. ”

0
5 baharaliyeva39  
1028
Mesele goýunyň geplemesi ýa-da onu öldürmegiň jenaýat işi bolup bolmaýşy däl. Mesele ynanç we tewhid bilen baglanyşykly. Sözde musulman diyip, Yslamy öz durmuşyna uýgunlaşdyrmaga synanyşma meselesi. Muny düşündirmegiň bir manysy ya hajaty ýok.
Siziň gaty haýwansöýer biridigiňiže şek şübhe ýokdyr.))) Eger goýun kesmek jenaýat işi bolup durýar diýseňiz bu siziň öz pikiriňiz. Yöne biziň ynanjymyzda Allanyň emri sorag edilmezmika diýýän.

0
6 Sergezzan  
707
Allanyň emri her Pygamberde uytgeyarmi onda? Huday bir kitabynda bir hili emir eden bolse, beyleki kitaplarynda başga hili emir etyarmi? Çykaran emirlerniň wagty gecdi diyip uytgedipduryan bolsa, onda ol ýalňyşyan Huday bolmazmy? Hany Huday hic yalnyşmayardy? Ya-da Huday kitaplarynda özüniň öwulmegne mätäc yaly görkezilipdir? Huday oznun owulmegne mätäcmi onda?

0
7 Sergezzan  
707
Hudaý bilen Şeýtanyň arasyndäki dawa sebäpli adamzadyň köp bölegi jähendemde yanmalymy indi? "Huday ähli zady öňden bilyar we göryar?" diyilyar, da şeylemi? Onda özne ybadat etmejek Şeytany Ýaradanam Huday bolyar. Onyň özne duşman boljagny we adamzady azdyrjagna bilyar diymek bolyar. Bularyň ählisini bilyan bolsa, onda bu Hudaýyň plany bolyarda?! Onda adamzadyň günasi name bu yerde? Adam öz erkine däl-de, ähli etmişlerni Hudaýyn plany boyunça etyar diymek bolarda?! Sence bu sacma deylmi? )

0
8 Sergezzan  
707
Siziň ynanjyňyz bilen işim yok, yöne siz Taňryny ýalňyş tanaýaňyz. Taňry bu aydylanlardan juda Päkdir

Teswiri diňe saýta agza bolan ulanjylar goşup bilýär.
[ Agza bol | Saýta gir ]