22:03 Meniñ ahwalym - gyşyñ ykbaly... | |
MENIŇ AHWALYM - GYŞYŇ YKBALY...
Dekabr aýazy gondy ýurduma, Tebigat bürendi gazap nikabyn. Meçew berip meniň köne derdime Ýyldyzlar soraýar ýyllaň hasabyn... Ümürler gizleýär bagtyň ýodasyn; Şekiller düşnüksiz doňan peýzažda. Leglek ruhum gözläp wysal adasyn Derýa-deňizlere edip ýör sežde. Bir tarapda ruhsuz tenim - ýalaňaç, Goşa, şor çeşmeden kökün suwarýar.. Bir tarapda bokurdagy dolan gyş, Aglabilmän ýalaz-aýaz ýüwürýär... Gyrawlan söýgimi ýatladýan baglar, Bilsediler has bagtyýardyklaryn. Bahary ýene-de gujaklar olar, Men bolsa ýitirdim yşgyň depderin... Sowuk nazaryňa sezewar bolan Dünýämde gyş hekem ýyllardan bäri.. Ýylanok gursagym - ýylanok jahan, Ne Gün täsir edýar, ne ot, ne däri. Jahana kim peşgeş berdikä gyşy? Ýa düşdikä kimiň sowuk bakyşy?... © Taýmaz SEÝIDOW. | |
|
√ Suwdan ot çykaran goşgy / Goşgular - 31.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Siziñki / Goşgular - 30.01.2024 |
√ "Garrap ýörünmi ýa men..." / Goşgular - 01.01.2024 |
√ Tazy / Goşgular - 30.01.2024 |
√ Şert / Goşgular - 09.02.2024 |
√ Salam, Türkmenistan! / Goşgular - 01.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Düýşgowuran / Goşgular - 08.04.2024 |
√ Rubagylar / Goşgular - 01.01.2024 |