16:27 "Şemal meni alyp gidäýjek ýaly..." | |
| ŞEMAL MENI ALYP GIDÄÝJEK ÝALY... "Bizi alyp gider bu agşam şemal" Fürug Ferruhzad. Şemal meni alyp gidäýjek ýaly, Gulagma pyşyrdap ýyllaň buşlugyn. Garaş maňa, garaş! Boýuňa gal-da; Serwi boýly bir dilberiň ugrunda Egni gysyk gezen - göýdük ýaşlygym. Bir tarapy ýaşyl, beýlesi sary Ýapraklarda gaýýar şemalyň heňi. Her perdede çözülip dur bir düwün; Käte dünýälere sygmaýan göwün Ikije ýapraga sygjak ekeni. Eý, meniň ömrümiň ýaşyl ýapragy! Sen bahary alyp gideliň bäri Hazan höküm sürýär şahalarymda. (Ne toprakdan pena, ne Gökden dalda..) Diňe, käwagt, ak pagta deý bulutdan Teşne heserime ýetişýär däri. Bu gün bolsa şemal gujagna gysyp, Göteräýjek ýaly ýar saňa tarap. Tapylmanlar galsyn öňki gujurym, Ilkinji günki dek terdir hyjuwym. Şem ýa:zyksyz, kebelekdir döwtalap. Şemal meni alyp gidäýjek ýaly Ýagyşa dürsedip ýadaw demimi. Göýdükligmi bulutlara bagyşlap, Hasratymy ýapraklara nagyşlap, Barýaryn ezizim, sakla lebiňi... 19.07.2019 ý. © Taýmaz SEÝIDOW. | |
|
| |
| √ Gar ýaganda / Goşgular - 09.01.2023 | |
| √ Моабит дәфтәрләре / Goşgular - 09.02.2023 | |
| √ «Полуразрушенный, полужилец могилы…» / Goşgular - 04.01.2023 | |
| √ Talyplyk / Goşgular - 08.01.2023 | |
| √ Deprem / Goşgular - 13.02.2023 | |
| √ «Ныне, полный блаженства…» / Goşgular - 15.02.2023 | |
| √ Перед маем / Goşgular - 16.01.2023 | |
| √ Mysapyryñ küýleri / Goşgular - 05.01.2023 | |
| √ «Когда мы любим безотчётно…» / Goşgular - 10.02.2023 | |
| √ «Мировое началось во мгле кочевье…» / Goşgular - 14.01.2023 | |
| Teswirleriň ählisi: 3 | |
|
| |
0
