"Pygamberiñ özi gelip, öwüt berse..."

"PYGAMBERIÑ ÖZI GELIP, ÖWÜT BERSE..."

Bir gün Harunerreşit Bohluldan:
- Meniñ ahyretimi nähili görýärsiñ? - diýip soraýar. Bohlul:
- Kyýamatda öz ornuñy şundan bilersiñ diýip, Gurhandan aşaky aýary okaýar: "Innel-ebrare lefi: na'y:min. We innel-fujja-re lefi: jahy:m"》(82-nji süre, 13-14-nji aýatlar) ("Her halda ýagşy adamlar nygmatdadyrlar we pyssy-pyjurlyk edýänler jähennemde"). Harun:
- Onda meniñ Hudaýyñ Resuly bilen garyndaşlygym nähili bolar - diýýär. Bohlul ýene-de Gurhandan aşaky aýaty getirip jogap berýär:
- "Fe izä: nofihe fis-su:r-e fela ensa:be beýnehom..." ("Sur çalnanda aralarynda garyndaşlyk galmaz"), ýagny kyýamat gününde haçan-da, Allatagalanyñ rugsady bilen Ysrafyl suruny çalanda, hiç hili garyndaşlyk arada bolmaýar we seniñ pygamber bilen garyndaş bolmagyñ, haýyr iş eden bolmasañ, saña hiç hili peýdasy bolmaz - diýýär. Şonda halyf:
- Beýle bolsa, pygamberiñ şepagaty nirä gider? - diýýär. Bohlul:
- Pygamberiñ öwladyna (perzentlerine) zulum we sütem eden adam onuñ şepagatyndan mahrumdyr - diýip jogap berýär. Harun:
- Menden pygamberiñ öwladyna näme zulum ýetipdir? - diýýär. Bohlul:
- Mundan beter zulum bolarmy, sen Hudaýyñ Resulynyñ jiger parasy Musa ibn Japary hiç hili günäsi ýok ýerden zyndana atdyñ - diýýär.
Harun bu sözleri eşidip, başyny aşak salyp, gözýaş edýär, gözýaş onuñ sakgalyny ölleýär. Şonda Harun:
- Eger men toba etsem, tobam kabul bolarmyka? Bu işim meni azapdan halas edermikä? - diýýär. Bohlul oña ýüzlenip:
- Ýolbaşçy bolmaklygy söýmek seni şeýle bir gapyl edipdir welin, hatda şu mahal pygamberiñ özi-de gelip, saña öwüt-nesihat etse, sen öz erbet işleriñden el çekmersiñ. Meni biderek ýere mätel etme - diýip, Harunyñ huzuryndan çykyp gidýär.

Pars dilinden terjime eden: Aşyrpur MEREDOW.