20:38 Rubagylar | |
RUBAGYLAR
Sen men hakda näme oýlanýañ, eziz?! Naçardyryn, ýöne däldirin ejiz. Bu söýgüde, bu durmuşda, ömürde, Sen barkañ ejizläp ýörmerin hergiz. * * * Söýgi - ýürekleriñ ýalkymy-saby, Söýgi - köñülleriñ sahy ynsaby. Söýgi ýaşaýandyr jahana dolup, Hemem ýerde beýgeldýändir ynsany. * * * Deñiz içre çyrpynşyny gör, gaýyñ, Saý ýerinde ýüzüp ýörün guw deýin. Seniñ gözleriñde turan tupana, Alajym ýok, nädeýin-ä, nädeýin?! * * * Söýgi barça ynsan ählin baş egdir, Söýgi söýen üçin baýlykdan ýegdir. Gök aşyk bolanda Zemin görküne, Bulutlary lemmerledip, nur ýagdyr. * * * Ykbalyn topraga bagş eden, ýigit, Gyz ýüregni dünýä nagş eden, ýigit, Gurbany men seni beren ýaýlanyñ, Ýañagmy ter güle ogşadan, ýigit! * * * Gel, dünýäm, şapak deý sürme bolup gel, Älemgoşar - guşak-tirme bolup gelm Ornadyñ kalbyma yşk nury bolup, Men - bahar, göç eýlän durna bolup gel. * * * Otly gözleriñden bir şöhle eñdi, Gelip, göni meniñ gursagma siñdi. Duýup ony bilmejegini söndürip, Guýup duran çabga köşeşdi, diñdi. * * * Köñle ýetýär kirpikleriñ sanjymy, Şadyýandym, neçüýn boldum ünjüli?! Meger, yşkyñ sapagyndan üzülen, Gezip ýörün kirpiklerim hünjüli. * * * Daglar daşyn ýere togalaberse, Ýeller çöp-çalamy kowalaberse. Onda ol söýgüdir, söýgüniñ güýji, Dünýä dolup daşýar, towlanyberse. * * * Ter gunçalar penje-penje açylyp, Yşka düşer müşki-anbar seçilip. Adam neneñ elenmesin söýgüden, Söýgä barýar söýgüden ýol geçilip. Enejan HANGULYÝEWA. | |
|
√ Rubagylar / Goşgular - 13.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Göreş / Goşgular - 11.02.2024 |
√ Salam, Türkmenistan! / Goşgular - 01.01.2024 |
√ Dostluk hakda / Goşgular - 18.02.2024 |
√ Mürze ýigit / Goşgular - 12.03.2024 |
√ Gökdepäm / Goşgular - 22.03.2024 |
√ Perişan kalbyñ umydy / Goşgular - 01.01.2024 |
√ At galar / Goşgular - 11.02.2024 |
√ "At bilen kowalap gördüler ony..." / Goşgular - 01.01.2024 |
Teswirleriň ählisi: 0 | |