Seniñ gözlegiñde

SENIÑ GÖZLEGIÑDE

Bu uly şäherden gözleýän seni,
Ýok-la, ýogsa saña aýtjak zadymam.
(Tötänden duşaýmak mümkin ahyry)
Bu gözlegden bizar bolm:an, ýadam:an.

Geçip barýan seýilgähiñ içinden,
Hol, barýan ýigid-ä meñzeşem saña.
Ýöne ol sen ýaly ýylgyryp däl-de,
Parhsyz bakyş bilen seredýär maña.

Belki, bu ýigdiñem bir ýerde bir gyz
Ýoluna bakýandyr göresi gelip.
Menem senden umydymy üzýärin,
Başga bir ýerlerde ýöreniñ bilip.

Duşýan özgeleriñ gözleýänine,
Deñlerinsen biparh ötüp barýaryn.
Bu uly şäheriñ köçelerinde,
Seni gözläp,
özüm ýitip barýaryn.

Gülnar BAÝLYÝEWA.