Osman Gazy TÜRKMEN
▶ STAMBULY AL!
Könül tagtyna mäkäm mün,
Ýenişehiri bazar kyl.
Zulm eýleme rençberlere,
Başga her ne işi bar, kyl.
Köne Ýenişehri dary,
İnegöle görjez zory.
Gyryp, geçirip agýary,
Bursa çen ýyk, ýene kyl.
Möjek bolup girme sürä,
Arslan bol, garama yza.
Pişge murtly ýanyçara,
Dilgeçidini hisar* kyl.
İznik şährine hor bakma,
Sakarýa suwy deý akma.
Iznikmidi-de al, gaýtma,
Her burçundan bir hisar kyl.
Osman, Ärtogrul oglusyñ,
Oguz Garahan neslisiñ.
Hakyñ bir kemter gulusyñ,
Yslamboly** al, gülzar kyl!
♧ Düşündirişli sözlük:
1). Hisar* - gala,
2). Yslambol** - Stambula berilen at, ýagny yslamyñ gülläp ösen ýeri manysynda).
