19:57

Kyrk ýaşa ýeteniñde

KYRK ÝAŞA ÝETENIÑDE

(Inim Has Türkmeniñ ýaş toýuna)

Kämilligiñ duýarsyñ,
Kyrk ýaşa ýeteniñde.
Köp pişäni goýarsyñ,
Kyrk ýaşa ýeteniñde.

Saña hormat goýarlar,
Törden orun bererler,
"Pylan aga" diýerler,
Kyrk ýaşa ýeteniñde.

Agarar sakal-saçlar,
Orta ýaşanyñ buşlar,
Etmejek bol, bet işler,
Kyrk ýaşa ýeteniñde.

Tursañ säherler irler,
Perişdeler rysk biýrler,
Kyrkdan soñra "pyrk" diýrler,
Kyrk ýaşa ýeteniñde.

Hudaý berse ýüz ýaşa,
Başyñ dik, kalbyñ joşa,
Günäñ ýazylar daşa,
Kyrk ýaşa ýeteniñde.

Ömür sürseñ adamzat,
Gam-gussalar bolsun ýat,
Goýjak bolgun ýagşy at,
Kyrk ýaşa ýeteniñde.

Annamuhammet SAPAR.

03.02.2024 ý.
Категория: Goşgular | Просмотров: 234 | Добавил: Garadag | Теги: Annamuhammet Allagulyýew | Рейтинг: 4.5/4
Awtoryň başga makalalary

Goşgular bölümiň başga makalalary

Suwdan ot çykaran goşgy / Goşgular - 31.01.2024
Rubagylar / Goşgular - 01.01.2024
Ýolbars we Möjek / basnýa / Goşgular - 05.01.2024
"Bagşylara" / Goşgular - 07.02.2024
Siziñki / Goşgular - 30.01.2024
Nokat / Goşgular - 28.01.2024
Aldawçynyñ pañ-pañy / Goşgular - 18.01.2024
Tilki bilen üzüm / basnýa / Goşgular - 10.01.2024
Sumbaryñ kenarynda / Goşgular - 01.01.2024
Ak buýnuzly ak maral / Goşgular - 01.01.2024

Teswirleriň ählisi: 2
0
1 Garadag  
128
Kyrk ýaş ynsanyñ aklynyñ goýalýan ýaşy hasaplanýar. Kyrk ýaşa çenli günäler kesege ýazylýarmyş diýen gepem bar. Aý garaz 40 oýun eder ýaly san däl.
Has Türkmeni doglan güni bilen gutlaýas. Ömrüñ haýyrly işler bilen uzasyn!

0
2 Edebiyatcy  
15
Ömrüň uzak, at-abraýyň ömrüňdenem uzyn bolsun! Görjegiň çowluk, öňüň gowluk, her günüň saglyk bolsun. Uzak ýaşap goýberenlerden bol sakaldaş!

Teswiri diňe saýta agza bolan ulanjylar goşup bilýär.
[ Agza bol | Saýta gir ]