Magtymguly Pyragynyñ 300 ýyllygyna

MAGTYMGULY PYRAGYNYÑ 300 ÝYLLYGYNA

Gutly bolsun, üç asyrlyk ýaş toýuñ,
Bütin dünýäñ akyldary - danasy.
Adamzat ählini haýrana goýýar,
Paýhasyñdan dörän dürler dänesi.

Bagryñ gany bilen şygyr ýazypsyñ,
Beýiklerden-beýik, sadadan-sada.
Nalyş edip, gözüñ ýaşa ezipsiñ,
Hudaýa gol serip, säher-sabada.

Halka-hemra, il derdine agladyñ,
Arzuw etdiñ, berkararlyk - döwleti,
Ýunus kibi haka gulluk bagladyñ,
Baky ýat eýlemiş, seni ummatyñ.

Nesip bolman han-beglere, şalara,
Gurup sen, kalplarda tagty-köşükleñ,
Baryp, derdiñ egisipsiñ daglara,
Olara siñipdir mährem keşipleñ.

Erenler elinden süzüpsiñ bada,
Juda pespäl, öz halkynyñ guly sen.
Her bir sözüñ dürdür kämil bolana,
Hakdan içen - beýik Magtymguly sen!

Annamuhammet ALLAGULYÝEW.