Aşgabat

AŞGABAT

Watanymyñ ýüregi,
Jiger-janym Aşgabat.
Saña guwanýan çäksiz,
Şöhrat-şanym Aşgabat.

Ak şäherim Aşgabat,
Buýsanjy sen halkymyñ.
Lowurdaýañ Gün ýaly,
Dünýä düşýär ýalkymyñ.

Garagum-Köpetdagym,
Gurşap otyr penalap.
Gülleýäñ - güller açýañ,
Barha ösýäñ pajarlap.

Bagtyýarlyk zamanam,
Berkarardyr döwletim.
Dünýä haýrandyr saña,
Aşgabadym-paýtagtym.

Balkan, Lebap, Ahalym,
Marym hem Daşoguzym.
Aýrylmazdyr bir jan-ten,
Nesilidir Oguzyñ.

Parahatlyk-erkinlik,
Baky-bahar goýnuñda.
Ýüregim joşa geldi,
Seniñ bahar toýuñda.

Annamuhammet ALLAGULYÝEW.

25.05.2024 ý.