KURT WONNEGUTYÑ MEŞHUR ROMANY EKRANLAŞDYRYLÝAR Biziñ köpümize amerikan ýazyjysy Kurt Wonnegutyñ ady "5-nji gassaphana" romany arkaly tanyşdyr. Ikinii Jahan urşuna gatnaşyp, şol aýylganç uruşda nemeslere ýesir düşen Wonnegut uruşyñ elhençliklerini we onuñ döreden düşnüksiz režimini beýan eden bu deñsiz-taýsyz eserinde kalbyñy üýşendiriji epizodlar arkaly sarkazmyñ yşaratlaryny berip bilipdir. Romanyñ "hökmany okalmaly gerek häzirki zaman naýbaşy eserleriñ" sanawynda ýygy-ýygydan ýer almagy-da, hut şol sarkazmyñ miwesi bolsa gerek. Kurt Wonnegutyñ bu romany öñem 1972-nji ýylda Jorj Roý Hill tarapyndan ekranlaşdyrylypdy we kinofilm "Kann" kinofestiwalynda ýörite baýraga mynasyp bolupdy. Otuz alty ýyl geçensoñ "5-nji gassaphananyñ" gaýtadan ekranlaşdyrylmagy müwessa bilindi. Eser bu gezek teleserial görnüşinde surata düşürilmeli. Teleseriala meşhur režissýor Kari Skiglandyñ režissýorlyk etmegine garaşylýar. Teleserialyñ teleýaýlymlarda goýberlip başlanjak wagty heniz belli däl.
* Bellik: Roman bilen tanyşmak isleýänler saýtymyzyñ audio-kitaphana bölüminde rus dilindäki ses ýazgysyny diñläp bilerler.
Dogrymy aýtsam esere menä düşinmedim. Okalanda agyr okalýar, wakalar gyzykly däl. Soňyna çenli okanymam eseriň näme üçin 100 sanawa girenini bilesim geldi. Eserde edebýat tarapyndan seredeňde bir täzelik bar. Eseriň wakalary "kak popala" gürrüň berilýär. Eseriň bir ýerinde baş gahryman entek ýaş oglan bolsa we Nemys ýesirliginden diri sypçagy gümana bolsa, az salymda ol eýýäm garry adam we iki sany çagasy bar. Eseriň baş gahrymanyny başga planetadan gelenler alyp gaçýarlar. Ana şolaryň täsirinden soň baş gahryman bir geçmişe düşýär, bir gelejege düşýär. Wakany gürrüň berýäw awtoryň gahrymanyň yzy bilen bir oň gelejegi barada gürrüň berýär, bir oň geçmişi barada gürrüň berýär. Esere erbet diýip biljek däl, ýöne menä düşinmedim. Ýöne taryha degişli iki sany zat maňa aýan boldy. Birinji, Germanýaň Drezdan şäherini bikanun bombaladylar we şol ýerde ölen adamlaryň sany Herosima Nagasaki şäherlerinde ölenlerdenem kän. Ikinji, Iňlisleriň ýesir düşen esgerleri ýesirlikdede gowy ýaşaýarlar, sebäbi olaryň hökümeti ýesir düşen esgerlerine harajat ugradýan eken. Şol ýesir saklanýan şäherde bolan Rus, (ýagny biziň esgerlerimiz) gedaýçylyk edip el serýän eken.
Eger ýadymdan çykmadyk bolsa eseriň baş gahrymanyny başga planetadan gelenler alyp gaçyp, öz planetalaryndaky zooparkda edil maýmyn saklan ýaly edip ençeme ýyl saklaýarlar. Ýöne baş gahrymany yzyna, öz planetasyna gaýdyp berenlerinde wagty üýtgedip, ol hiç ýerik ýitmedik ýaly edýärler. Ana şol wagt üýtgetmeden soň baş gahrymany aram aram gelejege ýa-da geçmişe zyňýar.
Teswiri diňe saýta agza bolan ulanjylar goşup bilýär. [ Agza bol | Saýta gir ]
0
