Göwnüm

GÖWNÜM

Oýan gaflat ukusyndan,
Eglenme hiç mahal, göwnüm!
Geç bu dünýä duýgusyndan,
Alnyñda bar ajal, göwnüm!

Ýazar bolsañ ýazgyl haky,
Razy kyl özüñden Haky.
Iýme hergiz ýetim haky,
Kanagatda kemal, göwnüm!

Ýaşasañ hak üzre ýaşa,
Ygtybar ýok ömre-ýaşa.
Säher çagy akan ýaşa,
Tañla ýokdur sowal, göwnüm!

Ömür soñy togsan ýa ýüz,
Dogrulykda görmäwer ýüz,
Agmalyñ bilen ýüzme-ýüz,
Bolmaly sen herhal, göwnüm!

Haýrulla MYRADY ÇALYŞ,
Owganystanly türkmen.

گؤونیم:

اویان غفلت اوخیسیندان
ایگلنمه هیچ ماحال گؤونیم
گچ بو دنیا دویغیسیندن
آلینگدا بار اجل گؤونیم

یازار بولسانگ یازغیل حقی
راضی قیل اوزونگدن حقی
ایمه هرگز؛ یتیم حقی
قناعت ده کامل گؤونیم

یاشاسانگ حق اوزره یاشه
اعتبار یوق؛ عمره- یاشه
سحر چاغی آقان یاشه
تانگلا یوقدور سوال گؤونیم

عمر سونگی توغسان یا یوز
دوغریلیقده گورماور یوز
اعمالینگ بیلن یوز مه یوز
بولمالی سن هر حال گؤونیم.

خیرالله مرادی چلیش