Главная » 2021 » Iýul » 20 » Gysgajyk kyssalar
10:58

Gysgajyk kyssalar

GYSGAJYK KYSSALAR

- Sen oturan-turan ýeriñde meñ gürrüñimi edýämişiñ-le, Hanguly?
- Kimiñ ýanynda edenmişim siziñ gürrüñiñizi?
- Geldi bilen Merediñ ýanynda.
- Işgärleriñ siz hakda näme gürrüñ edýänini bilmegi maña özüñiz tabşyrdyñyz ahyry.
- Men saña "olañ näme diýýänini diñle" diýdim, meñ gürrüñimi et diýmedim-ä.
- Onça-munça zat aýtmadañ, olañ agzyndan zat alyp bolýamy, hojaýyn.

* * *

- Ejesi, ynha, men-ä şundan başga iýere zat tapmadym.
- Biz-ä bir zat garbansak oñarys welin, gelniñ oñmaz, kakasy. Täze et iýmäge öwrenen çagadyr.
- Ministriñ gyzyny gelin edinmäli diýip, näler özelendim-le welin, ogluñ ikiñiz maña gulak asmadyñyz-da.

* * *

- Başlyk, bu nämäñ alamaty, öñ men gelemden ýeriñden turup, iki eliñ bilen görşerdiñ-le?
- Indi anonimka seredýän ýok.

* * *

- Eje, kakam näme üçin uzakly gije bir zatlar ýazyp otyr-a?!
- Aheý, ýazma näme işlesin, göçürýändir, oglum.

* * *

- Kaka, ejem komandirowkadan birigün gelýämi?
- Nätdiñ-aý, gyzym, ol eýýäm geläýýärmi?

* * *

- Ömürboýy hakykaty gözläp geçmeli boldum-ow.
- Nätdiñ, onsoñ tapdyñmy?
- Näme diýsemkäm?!..

Rahman ÖWEZOW.

"Tokmak" žurnaly, 1990.
Degişmeler
Категория: Degişmeler | Просмотров: 490 | Добавил: Haweran | Теги: Rahman Öwezow | Рейтинг: 0.0/0
Awtoryň başga makalalary

Degişmeler bölümiň başga makalalary


Teswirleriň ählisi: 4
0
1 Orhideýa  
719
Döwründe "Tokmak" zurnaly her temadan meseleleri gozgaýady. Döwur bilen biraz kabir zatlar üýtgänem bolsa, kõp zat şol aktuallygynda eken..)

0
2 Orhideýa  
719
Birinji degişmä garşylyklaýyn bir degişme:
"Mollanepes teatrynyñ Aman Gulmämmedow ýolbaşçylyk edýän dõwri eken. Bir gün Aman agañ kabinetine işgärleñ biri girýär-de, aljyraññy sõze başlaýar:
- Aman aga, aýtmagam gelşiksiz weli.. aýtmanam durup bilemok, size wepalylygym, wyzdanym goýanok..
Aman aga ýerinden turup, ýañky adamyñ yanyna barýar:
- Wyzdany ara goşar ýaly näme boldy beýle?
- Ayyyy... neme.. ýañy artistler üýşüp, çilim çekip durkalar pylany size sõgündi..
- Aý, nätdiñaý..
- Hawa, Aman aga, ine, şu gulaklam bilen eşitdim, size erbet sõgündi..
- Bähhh.. Kim diýdiñ şoña..
- Pylany Pylanyýew..
- Çynyñmy? Maña sögündimi?
Şo Pylany maña sögündi..?
- Hawa, Aman aga! Sõgündi. Size sõgündi. Çypbakaý cynym!
Aman aga elini arkasyna tutup, kabinetde ikibaka gezmeläpdir. Soñam sakga durup, ýanky adama ýùzlenipdir:
- Beh.. Hayran galaýmaly! Pylany erbet sõgünipdir. Ol sõgülen adamam men! Men hi-i-iç düşünemok? Bu iki arada sen nämä alada galýañ???"

0
3 Orhideýa  
719
Bu waka hakykatdan hem bolan waka. Şeyle häsiýetli hakyky ýolbaşcy, hakyky ADAM bolan Aman Gulmämmedow.

0
4 Haweran  
411
Ýa-da bu waka başga penjireden garap göreliñ: Aman aga habary ýetiren şol wagtky ýaş artistiñ kimdigini bilmesegem ol tanap-bilip ýören ýaşuly artistimizdir.
Arada "Satiranyñ neşterli dili: Karl Walentin" temasynda biziñ intelligensiýamyzyñ zehinli wekilleriniñ aglabasynyñ ŞAHSYÝET derejesine ýetip bilmän orta ýolda ownap-ýitip gidýändigi pikirini gozgapdyk.
http://kitapcy.com/news/2021-07-19-16645
Biziñ intellektuallarymyzyñ ýene bir garañky, ýene bir "ikiýüzli" taraplarynyñ biri, olaryñ şahsy artykmaçlyklaryny ýaýyp kemçilikli taraplaryny ilden gizleýänligidir, biziñ bu zatlary bilmeýänligimizdedir. Eger ol kimem bolsa, ýatlamalary bar bolsa, ýatlamasynda, ýa-da soñky ýaş nesle berýän gürrüñçiliginde ýaş wagty goýberen bu kemçiligini gizlemezden mertlik b.n gürrüñ bermegi başaran bolsa we ýaşlara beýle pesligi etmezligi ündese, bu wakadan alan sapagyny hatda ene-atasyndanam, mekdepdenem almandygyny aýtsady, biziñ gözümizde tanaýşymyzdanam has belent adam bolup galardy. Sebäbi men Aman aganyñ beren bu täsirli sapagyndan soñ onuñ galan ömrüne şeýle zady gaýtalamandygyna ynanasym gelýär.

Teswiri diňe saýta agza bolan ulanjylar goşup bilýär.
[ Agza bol | Saýta gir ]