Hetdini bilmändir / erteki

HETDINI BILMÄNDIR

Gadym zamanlarda özüni çemenzarlygyň eýesi hasaplaýan bir gögeýin ýaşapdyr. Ol golaý-goltumyndaky jandarlara jebir çekdirip, sütem edipdir.
Günleriň birinde çemenzarlyga möle gözlije kebelek gelipdir. Ol güle gonup, kinniwanja hortumjygy bilen şire sormaýarmyş. Muny daş-töweregine hüşgärlik bilen ser salýan gögeýin görüpdir—de dergazap bolupdyr. Onuň:
- Menden rugsat almazdan gülleriň şiresinden datmaga neneň het edip bildiň?-diýen ýakymsyz sese kebelek tisginip gidipdir. “Dawaly ýerde ýumryk bar!” diýipdir--de, zemenzarlykdan daşlaşypdyr.
Hiç kimden garaw görmedik gögeýiniň gäbi azypdyr.
Bu gün çemenzarlyga göleli sygyr gelipdir. Olar dünýäsini unudyp, ter gamyşlaryň hözürini görýärdiler. Birden gahar-gazap gatyşykly hemle eşidilipdir.
Degre—daşynda janly-jemende görmedik sygyr tüýlek guýrugy bilen bedenini gamçylap başlady. Şonda sygyryň sagrysynda temegini göge tutup ykjam oturan gögeýin gaýyp ýere düşüpdir.