Saçly gyzlar

SAÇLY GYZLAR

Biz hem geldik tomaşaňa,
Boýy uzyn saçly gyzlar.
Elleri elwan hynaly,
Gyýma galam gaşly gyzlar.

Aýaklary terbiýetli,
Elleri hyna boýagly,
Uzyn boýly, al ýaňakly,
Gyýma galam gaşly gyzlar.

Gider iline, iline,
Men gurban inçe biline,
Çykaly bagyň seýline,
Eli toty guşly gyzlar.

Aşyk Oraz diýer, näzlim,
Boýny ördek, guba gazlym,
Şirin tilli, bal agyzlym,
Hünji-göwher dişli gyzlar.

Oraz AŞYKY.