Ukrain ýomaklary

UKRAIN ÝOMAKLARY

- Nirä dazlap barýarsyñ?
- Uruşýanlary aralamaga...
- Kim uruşýa?
- Bondarçuk bilen men.

* * *

Kakasy ata-eneler ýygnagyndan dolanyp gelipdir. Ol öýde top oýnap ýören ogluny ýanyna çagyryp, gaharyny ýuwudypdyr-da:
- Sen öz klasyñyzda iñ ýalta okuwçyny tanaýañmy? - diýip sorapdyr.
- Bilmedim, kaka, hä näme? - diýip, ogly egnini gysypdyr.
- Bileñokmy, a sen, belki, hemme kişi sapagyny işläp durka, iki elini biri-biriniñ üstünde goýup oturanyñ kimdigini aýdarsyñ?
- Ä-ä! - diýip, ogly gygyrypdyr. - Wah, başda şeý diýip soraýmazlarmy? Ol-a biziñ mugallymymyz...

* * *

- Señ adyñ näme, oglanjyk?
- Bilemok!
- O nähili bileñok? Öýüñizde señ adyny näme diýip tutýarlar?
- Kakam-a bezzat, ejem möjek, atam galtaman, enem bolsa şeýtan diýýär!

* * *

- Näme üçin sen äýnek dakynañok? - diýip, segsen ýaşly kempirden sorapdyrlar.
- Wah, men näler dakynjak-la! Ýöne şü ärimden çekinýän. Birden ol maña "Sen-ä eýýäm garrapsyñ" diýse, men näderin! - diýip, kempir jogap beripdir.

* * *

Aýaly:
- Bilýäñmi, maña bäş sany men diýen goç ýigit öýlenjek bolup çytraşypdy. Ýöne şonda-da olañky paşmady. Bu günki gün bolsa sen...
Adamsy:
- Päheý, bu akmagyñ sammyldaýşyny. Hut meniñ özüm on sany gyza öýlenjek bolup, olaryñ gözüni-başyny aýlapdym ahyry...

* * *

- Sen goñşyñyñ gulagyna ýelmäpsiñ diýip aýdýarlar welin, şol çynmy?
- Galat! Eger-de ol şuña meñzeş ýene-de gabahat zatlary lakgyldaýsa, ony ýene bir ýelmärin welin, gaýdyp ikini islemez ýaly bolar...

* * *

Iki awçy özara söhbet edýär.
- Sen ýekegapan awlañda tüpeñiñe nähili ok salýañ?
- Diñe tüsselisini.
- O näme üçin.
- Sebäbi tüsse sowlynça men agaja dyrmaşmaga ýetişýärin.

"Edebiýat we sungat" gazeti, 31.07.1979 ý.