06:54

"Ýok, adamlar bozulanok..."

"ÝOK, ADAMLAR BOZULANOK..."

"Adamlar bozuldy diýýänleriň özleri bozulandyr".
(Ýagşyzadalaryň sözlerinden)


Ýok adamlar bozulanok,
Hüý-häsýeti öňki ýaly,
Gep-sözleri,
Boluşlary
Aglaýyşy gülüşleri
Şol öňküsi ýaly entek.
Bir-biregem aldanoklar,
Dogan-dogandan bizar däl.
Ýa ýalandan aglanoklar,
Ýa pul üçin bir-biregi
Söýenoklar, sylanoklar.
Gybat gürrüňleri tapyp,
Bir-biregi gynanoklar.
Goňşy-goňşyň için ýakyp.
Oba-ilden göçürenok.
Gelinler öz ýarlaryna
Gep baryny içirenok,
Agasyndan atasyndan
Enesinden geçirenok.
Ogurlyk, eli egrilik,
Ýokdur, diňe hemme halal.
Ýokdur bir-birne bergili,
Getirýän ýok göwne melal.
Munda ýetim-ýesirem ýok,
Gallaç, garyp-gasaram ýok.
Ýokdur, süýthor, humarbazlar,
Dert çekýän ýok, keselem ýok.
Ýok adamlar bozulanok,
Gyz-gelinem bozuk däldir.
Eger bozuk diýýän bolsa
Şonuň özi bozuk päldir.
...Ynha, gowy boljak bolup,
Setir baryny sepledim.
Ähli zada gowy diýdim,
Parhy nä ýazdym, gepledim.
Meniň sözlerime görä,
Hemmäň gowy, hemme tämiz.
Onda näme maňa poha
Sereden deý seredýäňiz.

12.09. 2021 ý.

Sylapberdi MUHAMOW.
Категория: Goşgular | Просмотров: 379 | Добавил: Garadag | Теги: Sylapberdi Muhamow | Рейтинг: 5.0/2
Awtoryň başga makalalary

Goşgular bölümiň başga makalalary

Ýolbars we Möjek / basnýa / Goşgular - 05.01.2024
Düýş hem ýagyş / Goşgular - 09.01.2024
Lenç edilen nakyl / Goşgular - 05.02.2024
Rubagylar / Goşgular - 01.01.2024
Siziñki / Goşgular - 30.01.2024
Gowy görülen goşgy / Goşgular - 05.01.2024
Şemally gün / Goşgular - 27.01.2024
Жизнь / Goşgular - 29.02.2024
Gije hem gündiz / Goşgular - 07.02.2024
Gökdepäm / Goşgular - 22.03.2024

Teswirleriň ählisi: 2
0
1 Gumlygelin  
8
Dogry...

0
2 MURGAP  
1401
Bu çakda beýle gowy goşgyny yazan Turkmen okamandym. Halys yüregimden sag bolsun awtora.

Teswiri diňe saýta agza bolan ulanjylar goşup bilýär.
[ Agza bol | Saýta gir ]