11:35 Bazara gel, bazara! | |
BAZARA GEL, BAZARA!
Aljakmy ýa satjakmy, Bazara gel, bazara: Nazly nygmat datjakmy, Bazara gel, bazara! Bazarda bardyr nogul, Puluň barmy, han ogul. Jübiňe häzir bolgul, Bazara gel, bazara! Gyz-gelinler hatar-a, Her kim zadyn satar-a, Pursat bermez ötere, Bazara gel, bazara! Her kim hödürlär zadyn, Tanamaz ýakyn-ýadyn, Sorasaň aýtmaz adyn, Bazara gel, bazara! Seçekli, al, seçekli, Ýaglyk bary çeçekli, Iýjekmi ýa içjekmi, Bazara gel, bazara! Eger-de geçse gymmat, Keýpiň bolar ganymat, Öler ada, galar at, Bazara gel, bazara! Alyp göwnüň hoş eder, Jübülerňi boş eder. Gözleriňi ýaş eder, Bazara gel, bazara! Bardyr alyp-satarlar. Ogry-kümsük beterler, Golaýlasaň üterler, Bazara gel, bazara! Gama batma, gardaşym, Zat doly degre-daşyň. Aýby ýok, biter işiň, Bazara gel, bazara! Başim GUTLYMYRADOW. | |
|
√ Tazy / Goşgular - 30.01.2024 |
√ Soltan / Goşgular - 27.03.2024 |
√ Mürze ýigit / Goşgular - 12.03.2024 |
√ "Gitdim senden ilerledip ümzügi..." / Goşgular - 01.01.2024 |
√ Suwdan ot çykaran goşgy / Goşgular - 31.01.2024 |
√ "At bilen kowalap gördüler ony..." / Goşgular - 01.01.2024 |
√ Gije hem gündiz / Goşgular - 07.02.2024 |
√ Ak buýnuzly ak maral / Goşgular - 01.01.2024 |
√ Göreş / Goşgular - 11.02.2024 |
√ "Gelin jan..." / Goşgular - 26.03.2024 |
Teswirleriň ählisi: 2 | |||
| |||