Главная » 2024 » Ýanwar » 31 » Suwdan ot çykaran goşgy
13:51

Suwdan ot çykaran goşgy

SUWDAN OT ÇYKARAN GOŞGY

Bölek mähnet bulutlar,
Öçli garap bir-bire,
Dişlerin çarhladylar,
Garpyşyp başladylar,
Elhenç güpürdi bile.

Başlandy başagaýlyk,
Kowha-kowlyk,
gaç-gaçlyk.
Bulutlaň batly bady,
Syçratdy ýalyn-ody.
Asman ýürek daglady
hem möňňürip aglady.
Ezdi ýeri göz ýaşy,
Sil-suw edip dag-daşy.

Ýakyndamy, uzakda,
Ýyldyrym çakan wagtda.
Pena edinip dagy,
Synlap otyr, Pyragy.
Haýranlar bolup bakdy,
Ýaradanyň güýjüne.
Soňam galamyn aldy,
Çykyp gerşiň künjüne.

“Bulutlar garpyşar,
ýyldyrym çakar”
- şuny oýa getirdi.
“Bu ne gudrat işdir,
suwdan ot çykar?!”
- giýip, ýazga geçirdi.

Bu hem bolaýjak kyssa,
Beýan edäýdik, gysga.

Geldimyrat SEÝIDOW.
Goşgular
Категория: Goşgular | Просмотров: 671 | Добавил: Moderator | Теги: Geldimyrat Seýidow | Рейтинг: 4.5/2
Awtoryň başga makalalary

Goşgular bölümiň başga makalalary

√ Biz üçin üýtgemez pelegiň bolşy / Goşgular - 29.10.2024
√ Was-wasylara... / Goşgular - 23.01.2024
√ Nebsin neýleýen / Goşgular - 08.06.2024
√ Dünýe... / Goşgular - 11.02.2024
√ Bagyşla, eje! / Goşgular - 25.08.2024
√ Söýgime ynanyň / Goşgular - 16.11.2024
√ Aýandyr bary / Goşgular - 17.05.2024
√ "Garrap ýörünmi ýa men..." / Goşgular - 01.01.2024
√ Meniň gimnim / Goşgular - 07.09.2024
√ Ýar ýüzümi görüp derdi-gamymy bilse gerek... / Goşgular - 03.08.2024

Teswirleriň ählisi: 4
0
1 Garadag  
128
Dana Pyragynyñ şol meşhur setirlerini her kim bir dürli düşünýän. Hakykatdanam syr doly setirler.

0
2 Garadag  
128
Geldimyrat aga galamyñyza bereket!

0
3 Geldimyrat  
1596
Minnetdar, inim, Garadag!

0
4 Moderator  
1471
Kim bilýär, belkäm, adamyñ öz bolşuny göz öñüne tutandyr. Ot ýaly adamlar kän-ä... "Basan ýerinden ot çykýar" diýilýändir şeýle dogumly adamlara. Ýa-da iki agyz ýalan gepi bilen birgiden adamlañ ýüreginde ýigrenç oduny tutaşdyryp bilýänler. Asly iki pygamberden (Adam ata, Nuh) gaýdýan adamzat neslinden "alan demi hebes" beýle "arwahlaryň" çykyşyna geň galmaz ýalymy...
Ýazyjy-şahyryñ baş obýekti-de - ADAM (bolmaly)!
Adamzadyñ ot gorsaýşy, imperialist jeňbazlaryň dünýäni otdan alyp suwa, suwdan alyp oda salyşy-da aýdylýanlara doly gabat gelýär. Metafora jüpüne düşende ondan on dürli, ýüz dürli many çykaryp bolýar. Netijede şahyryñ anyk näme aýdany mesaña görnüp, bildirip durjak bolsa, ýa diñe bir many çykarjak bolsak, ol eýýäm goşgy bolmaýar.

Teswiri diňe saýta agza bolan ulanjylar goşup bilýär.
[ Agza bol | Saýta gir ]