Degmäň gyzyň göwnüne

DEGMÄŇ GYZYŇ GÖWNÜNE

Saýrasa taý guşlara,
Ynjany-da aýandyr.
Enä meňzeş gussada.
Gamlananda uýaňdyr.

Iliň-günüň toýunda,
Çyzgalandyr bilegi.
Ak gündizler küýünde,
Mähribanlyk dilegi.

Ýazlara telwas etse,
Edepsizdir çaklama.
Güldür ol, şemal össe,
Enesine ýaplanar.

Gyz bolsa öz ýoluna,
Enä ýakyn diýiler.
Ýöne ataň halyna
Oguldan öň gyýylar.

Daşarda gaý gopsa-da,
Närahatdyr deňiz deý.
Bijaý sözüň oklama,
Yzy galar meňizde.

Gar güllere öwrülip,
Ak guşlar geler, gider.
Degmäň gyzyň göwnüne,
Ýüregne salar gider.

Mämmetnazar BABANAZAROW.