Doglan günüm gutlaglarda edilen dilegleriň täsirinde sere gelen setirler

DOGLAN GÜNÜM GUTLAGLARDA EDILEN DILEGLERIÑ TÄSIRINDE SERE GELEN SETIRLER

Uzak ýaşy elbetde, kim isleýär, kim islemeýär.
Ol adam ykbalyna, saglyk ýagdaýyna hem bagly.

Hergiz, dilemä:ýiň şol uzak ýaşy,
Islämok ýowuz hem sowulmaz gyşy.
Diýselerde doýma ýokdur panydan,
Jara dökjek, şol gözgyny durmuşy?!

Ba:r han-ha, ser uran sekiz onluga,
Aýdyň zat, däl indi oňky gowluga.
Birege dert bolsa, birege gülki,
Mydar edýär küýkerilen horluga.

Garra syrdaşlygy tapylmaz oňlan,
Mejbury ýükdür ol, hossara daňlan.
Hat-da birçak Görogly dek ärler hem,
Garransoň daglaryň gowagna zyňlan.

Ykbal, mejalsyz hal berip, soldurma,
Ýakyn-ýadam dert, alada galdyrma!
Garrylygy gülki saýýan biweje,
Oýnadyp, ol güýçsiz hala güldürme!

Ejizligi, sansyzlygy nädeýin,
Gaýgy hem ýük, gülki bolman gideýin!