17:13 Düýş | |
DÜÝŞ
Bir gije düýşümde "Dañyñ saz wagty". Kerim aga bize myhman bolanmyş. Öñünde çaý goýdum, mähirli bakdy, Misli, ol yzyna çyndan dolanmyş. Çekine-çekine söze başladym, Ussadyñ gözlerem durşuna many. Diýdim: "Goşgy ýazýan, diñläp göräýiñ", Diýdi: "Oka gyzym, diñläýin hany". Men okasam diñlejekdi ussadym, Otaglamda terslin-öñlin gatnadym. Arman, goşgy ýazýan depderlerimi, Näçe agtarsamam gözläp tapmadym. "Ýazýan"- diýdim, emma, ähli setirleñ, Täsinlikdi hakydamdan öçmesi. Gowşak goşgularyñ juda kyn borly, Ussatlaryñ öñlerinden geçmesi. Gowşajyk bolsa-da agtaryp tapman, Düýşümde çekýärdim goşgymyñ zaryn. Şol pursat ussadym goluma berdi, "Ýar"-diýip, ullakan, çym-gyzyl nary. Ýardym,seçelendi çym-gyzyl däne, Däneleri ýekän-ýekän çöpledim. Ussadym şol gije düýşümde meni, Okalmadyk goşgym bilen taplady. Belki,düýşde ussadymdan utanyp, Çyg-çarsy goşgulam gaçandyr häli. Ussat hem diýendir: "Gyzaryp bişsin, Ähli goşgularyñ edil nar ýaly". Gyzylgül ANNAGYLYJOWA. | |
|
√ Çarwa arabyñ söýgüsi / Goşgular - 10.02.2024 |
√ Şert / Goşgular - 09.02.2024 |
√ Rubagylar / Goşgular - 01.01.2024 |
√ Aldawçynyñ pañ-pañy / Goşgular - 18.01.2024 |
√ Gökdepäm / Goşgular - 22.03.2024 |
√ Ak buýnuzly ak maral / Goşgular - 01.01.2024 |
√ Lenç edilen nakyl / Goşgular - 05.02.2024 |
√ Soltan / Goşgular - 27.03.2024 |
√ Hasap / Goşgular - 18.02.2024 |
√ Siziñki / Goşgular - 30.01.2024 |
Teswirleriň ählisi: 11 | |||||||||
| |||||||||