09:53 Eneme | |
ENEME
Nohurlylarda üzärlige iswent diýilýär. Mähek dek päk, ýeňil elleriň bilen, Dogaly, senaly dilleriň bilen, Saglykda ýaşara illeriň bilen, Ýene iswent tütetsene, ene jan! Gelen, geljek bela dep bolsun - diýip, Nähoşlan keselden sagalsyn - diýip, Golaý gelmäwersin arwah-jyn - diýip, Ýene iswent tütetsene, ene jan! Halala degmesin bahylyň gözi, Ýürek bulamasyn betpäliň sözi, Belki bolsun, şolara-da em özi, Ýene iswent tütetsene, ene jan! Agzybirlik, rysgal bolsun öýlerde, Mal-gara dok gezsin dagdyr çöllerde, Gyz-gelinler senden alsyn görelde, Ýene iswent tütetsene, ene jan! Ata-baba danalaryň sargany, Derman otlaň arasyndan saýlany, Alkyş aýdyp, doga-dileg et däni, Ýene iswent tütetsene, ene jan! 2020 ý. | |
|
√ Eýdip-beýdip... / edebi ýaňsylama / Goşgular - 12.01.2024 |
√ Rubagylar / Goşgular - 13.01.2024 |
√ Sowuk söz / Goşgular - 31.01.2024 |
√ "Gitdim senden ilerledip ümzügi..." / Goşgular - 01.01.2024 |
√ «Превратила всё в шутку сначала…» / Goşgular - 29.02.2024 |
√ Alabahar / Goşgular - 21.03.2024 |
√ Hasap / Goşgular - 18.02.2024 |
√ "Ulag gidip barýar..." / Goşgular - 28.04.2024 |
√ Soltan / Goşgular - 27.03.2024 |
√ Täjir tanşyma / Goşgular - 16.01.2024 |