20:42 Gaýrat et, ýürek | |
GAÝRAT ET, ÝÜREK
Suwsuz galan balyk kimin çyrpynyp, Janhowluňa herýan-herýan bökýärsiň. Käte basyrynyp, käte serpinip, Eý, ýürek, nämeden ejir çekýärsiň. Kapasa salynan bilbile meňzäp, Erkana durmuşa delmurup bakýaň. Kä näumyt bolup, käte-de dyňzap, Şeýde-şeýde zordan daňdana çykýaň. Ýa-da iliň göwni diýip, eý ýürek, Sen öz saglygyňy gurban etdiňmi? Ýa-da öz aladaň etmäge derek, Il derdin özüňe ýakyn tutduňmy? Azar berme ýürek, gaýrat et biraz, Bilýärin, sen hiç ynjalyk tapaňok. Agyrsaň-da, agram çekseň-de, garaz, Sen ýakynyň-ýadyň göwnün ýykaňok. Ýürek, men derdiňi çekmäge kaýyl, Urup dursaň bolýar yzyny üzmän. Käte gözellere bolýarsyň maýyl, Ynjalyp bileňok waspyny ýazman. Ýazyber waspyny şol gözelleriň, Şol gözelliklerde seniň dermanyň. Mähir duýsaň, waspyn etse dilleriň, Ýeri, şahyr, özge barmy armanyň. Azat NURGELDIÝEW. | |
|
√ At galar / Goşgular - 11.02.2024 |
√ Bagyşla! / Goşgular - 01.01.2024 |
√ "Bagşylara" / Goşgular - 07.02.2024 |
√ Dünýe... / Goşgular - 11.02.2024 |
√ "Gelin jan..." / Goşgular - 26.03.2024 |
√ Göreş / Goşgular - 11.02.2024 |
√ Sowuk söz / Goşgular - 31.01.2024 |
√ "Ulag gidip barýar..." / Goşgular - 28.04.2024 |
√ Ýolbars we Möjek / basnýa / Goşgular - 05.01.2024 |
√ Kyrk ýaşa ýeteniñde / Goşgular - 03.02.2024 |
Teswirleriň ählisi: 1 | ||
| ||