Güýz aglaýar

GÜÝZ AGLAÝAR

Ýene möwrüt doldy diýip,
Güýz aglaýar,
Güýz aglaýar.
Ýaprakbary soldy diýip,
Güýz aglaýar,
Güýz aglaýar.

Aslynda durmuş kadasy,
Dolsa-da şerbet badasy,
Ýaly ýigitleň sadasy,
Güýz aglaýar,
Güýz aglaýar.

Aýlanyp durandyr pelek,
Kim bolsaňam diýme telek,
Gözýaşdan dolduryp çelek,
Güýz aglaýar,
Güýz aglaýar.

Wah, ýap-ýaňam Gün guşlukdy,
Howa aýazsyz boşlukdy,
Gelipdir Gyşdan buşlukçy,
Güýz aglaýar,
Güýz aglaýar.