11:52 Käse sen | |
KÄSE SEN / satiriki goşgy
Men bir gezek Amanpolat diýen tanyşymyň öýüne bardym. Çaý getirilde maňa berlen käsäň içi-daşy towuk çokjalan garpyz paçagy ýaly eken. Men şonda şo käsäň şanyna bäş keleme söz aýdar boldum. Göz aýladym şu käsäniň durşuna, Gatnaşypdyr iki jahan urşuna, Ençeme oskolka kakyp gerşine, Müň gowgadan aman galan käse sen. Nedir şaň leşgerne berip komanda, Ýüzdüň gämä münüp, düýpsüz ummanda, Meke-Medinede, şähri Ýemende, Hajylar golunda bolan käse sen. Başyňdan geçirdiň ençeme gary, Näçe asyr geçdi döräliň bäri?! Belki-de görensiň sen Keýmirköri, Nuhdan bize nyşan galan käse sen. Äraly han dünýä gelip ötende, Bozoglana patyşalyk ýetende, Ýusup-Ahmet zyndan içre ýatanda, Garagözden sylag gelen käse sen. Käsä, gözüň aç-da bir seret döwre, Zamanam dönüňi geýdirer çöwre, Galypsyň meýlisden, zyňaly böwre, Görmedigi görde galan käse sen. Pyhy TAGAN. | |
|
√ Ýagyş damjasy / Goşgular - 24.03.2024 |
√ Rubagylar / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ "Gitdim senden ilerledip ümzügi..." / Goşgular - 01.01.2024 |
√ «Превратила всё в шутку сначала…» / Goşgular - 29.02.2024 |
√ Moskwadan görýärler / Goşgular - 30.01.2024 |
√ Düýşgowuran / Goşgular - 08.04.2024 |
√ Ak buýnuzly ak maral / Goşgular - 01.01.2024 |
√ Siziñki / Goşgular - 30.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
Teswirleriň ählisi: 0 | |