10:55 Pyhy Tagan bilen Gurban Wehiminiň aýdyşygy: | |
| Wehimi: Gelýärmiş garrylyk Hazary böwsüp, Zaluwat, öňünden çykawer, Pyhy! Päli bet geçmänkä Balkandan towsup, Seňrigne ykjamlap kakawer, Pyhy! Pyhy: Garrylygy garşylaryn gül bilen, Gaşym çytyp ýüzne urman, Wehimi. Duşdan geçirerin, ony ýol bilen, Oň bilen tirkeşip ýörmen, Wehimi. Wehimi: Ýaşamagyn hemme kişä dert bolup, Ýok edeliň ol belany mert bolup, Gitsin, oň ýüzleri garaört bolup, Batyrlyk tohumyn ekewer, Pyhy! Pyhy: Gorkma, garrylyk gelýär diýip daşdan, Mert ýigit baryny geçirer başdan, Näleri agdardy goşa ýanbaşdan, Ol meni hem goýmaz arman, Wehimi. Wehimi: Goç ýigitler abraý bolsa, at bolsa, Başy göge ýeter il-gün şat bolsa, Şol garrylyk ýanyp duran ot bolsa, Üstünden suw bolup akawer, Pyhy! Pyhy: Girdi girdabyna Göroglyň kyrky, Rüstem Zal, Süleýman ederdi gorky, Isgender dek ärleň üzüldi örki, Hata boljak ýokdur görmän, Wehimi. Wehimi: Gaýduwsyz, gahryman, şir boljak bolsaň, Dostuňa wepaly är boljak bolsaň, Bu işde Gurbandan zor boljak bolsaň, Ýeňiş baýdagyny dikewer, Pyhy! Pyhy: Gelse gelibersin, seňrigne kakman, Pyhy diýr öňünde men dyza çökmen, Müň derde em tapan ol Hekim Lukman, Ol derde tapmandyr derman, Wehimi! | |
|
| |
| √ М.Н.Коншиной / Goşgular - 13.02.2023 | |
| √ Bolsa şol gün... / Goşgular - 18.01.2023 | |
| √ Bagbanym / Goşgular - 06.01.2023 | |
| √ Ýeller, maňa yşk hakynda aýdaýyň! / Goşgular - 06.01.2023 | |
| √ Эры / Goşgular - 28.01.2023 | |
| √ "Beýnimiň içinde gopgun turzuşyp..." / Goşgular - 14.01.2023 | |
| √ В эти дни / Goşgular - 05.02.2023 | |
| √ Eger... / Goşgular - 25.01.2023 | |
| √ «В полуночной тиши бессонницы моей…» / Goşgular - 03.01.2023 | |
| √ На дне преисподней / Goşgular - 12.01.2023 | |
| Teswirleriň ählisi: 0 | |