Men

MEN

Men deñizdir-derýalara,
Gujak geren kenaram däl.
Añyrsyna göz ýetmeýän,
Ter çemenli sonaram däl.

Köki zemin çuñlugyna,
Uzap barýan çynaram däl.
Gözelligi şygyrlarda,
Wasp edilýän enaram däl.

Ýol ugrunda çelgi bolup,
Her ötegçä saýa bolan.
Bir gojaman balhy tuduñ,
Çürbaşynda ýalñyz galan.

Ýönekeýje ýaprag-a men,
Terk etmedik şahasyny.
Ygyp gitmän ýel ugruna,
Ödän ömrüñ bahasyny.

Gyzylgül ANNAGYLYJOWA.