17:04

Men geldim!..

MEN GELDIM!

Men geldim!..
Bu nedir?
Oýunmy?
Hile?
Çatrykda.
Somsaýak.
Göz bolup ile
Seni görmek ücin garaşyp durun...
A sen bu gezegem gijigip geldiñ.
Geñ...
Gijä galsañam kesewä dönen
Solgun duýgularma
Ölen ýüregme
Nem syzdyryp
Ýene hyruç berişiñ.
Heniz girmesem-de ýyly gujagña
Mylakatyñ bilen ganat gerişiñ...

Men geldim!..
Bu nedir?
Huşmy?
Hyýalmy?
Duşuşyk.
Ynamsyz ýylgyryş.
Stol...
Gara çaý.
Şokolad.
Hem birje bägül...
Çytraşsañ-da ýüzden añşyrtmazlyga.
Ruhuñ lerzan-dowul
Ýürekde tebil...
Şonda-da ret eden bolduk gomalyp
Ynamy,
              yhlasy,
                            mähiri,
                                           yşky.
Ýöne biz bilmedik teşne kalplaryñ
Öñden tanyş ýaly barha emenip
Bir-birine mäkäm badaşanyny.
Besdir!..
Men-ä indi ýele berjek däl,
Öñ ýele sowrulan gyzyldan gymmat
wagtymy...
Sen dözseñ, onda... biljek däl
Bu beýewan çölde azaşanymy...

Sen geldiñ!..
Sözleşdik.
Ýürek ýeñledi...
Sen gitdiñ!..
Geljegñem
Gelmejegiñem,
Bilmesem-de,
Bilmek islemesem-de
"Gel" diýip däl, saña
"Bil" diýip, läläm
Düýnki çaýlaşylan ýerimi saklap
Señ gelen ugruña gözümi dikip
Garaşýän hälem...

Surat: Salwador Dali.
Категория: Goşgular | Просмотров: 635 | Добавил: Hаwеrаn | Теги: Has Türkmеn | Рейтинг: 4.7/6
Awtoryň başga makalalary

Goşgular bölümiň başga makalalary

Ömrümiñ manysy bolmaly zenan / Goşgular - 05.02.2024
Dostluk hakda / Goşgular - 18.02.2024
Täjir tanşyma / Goşgular - 16.01.2024
Nädip ýaşamaly?! / Goşgular - 13.01.2024
Gökdepäm / Goşgular - 22.03.2024
"Bagşylara" / Goşgular - 07.02.2024
Suwdan ot çykaran goşgy / Goşgular - 31.01.2024
Meniñ monologym / Goşgular - 01.01.2024
Ynanarmykan? / Goşgular - 30.01.2024
Düýş hem ýagyş / Goşgular - 09.01.2024

Teswirleriň ählisi: 2
0
1 hoşowaz  
390
Oýunmy?
Hile? - ikisem aldaw (sinonim)
Huşmy?
Hyýalmy? - ...antonim.

1
2 Edebiyatcy  
15
"Men geldim!
Men nirelerden gelmedim!"
diýipdirmi öňem biri?!

Teswiri diňe saýta agza bolan ulanjylar goşup bilýär.
[ Agza bol | Saýta gir ]