Главная » 2022 » Sentýabr » 25 » Merdiñ pelsepesi
18:25

Merdiñ pelsepesi

MERDIÑ PELSEPESI

Durmuşda gizlemän, aýtdym dogrymy,
Aldan başga boldy, aglan men boldum.
Gözüm ýumup, saklap ýörün sabrymy,
Awlan başga boldy, aglan men boldum.

Bizden bitdi agyr işleñ berjaýy,
Esgi boldy köwüşleriñ her taýy,
Iş dynansoñ arzylanan serpaýy,
Alan başga boldy, aglan men boldum.

Kän oýnadyk Amyderýañ boýunda,
Bugdaý orduk, un gutarsa öýünde,
Şol dostuñ wezipä geçiş toýunda,
Gülen başga boldy, aglan men boldum.

"Erkek" diýlen ada gulluk etdim men,
Ejiz görsem çykmadym hiç hetdimden,
Ýagşylygmyñ dolanaryn şert bilmen,
Bilen başga boldy, aglan men boldum.

Bar, her zadyñ öz müddeti, öz güni,
"Ilden öñ bagryma basdym közümi",
Kynçylykda öldürmedim özümi,
Ölen başga boldy, aglan men boldum.

Kerim HALLY.
Goşgular
Категория: Goşgular | Просмотров: 489 | Добавил: Gülkeşde | Теги: Kerim Hally | Рейтинг: 4.0/4
Awtoryň başga makalalary

Goşgular bölümiň başga makalalary

√ Bir dem ol dilber jemalyndan yrak olmak ne güýç... / Goşgular - 01.01.2025
√ Ýagşy niýetler / Goşgular - 08.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Oňşuksyz öý / Goşgular - 12.01.2025
√ Şaglawuk / Goşgular - 02.01.2025
√ Men bir ýola... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Rubagylar / Goşgular - 10.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ "Ýene-de daň atdy..." / Goşgular - 01.01.2025

Teswirleriň ählisi: 10
0
1 Haweran  
411
Munda pelsepe ýok, safsata bar...

0
4 Bagabat  
43
"Safsata" ýa-da "sapsata" - gadymy türki dilleň köpüsinde, şol sanda köne türkmen dilinde-de boş samahyllyny, bimany gepi, söz aňkawlygyny, häzirkizamanlaşdyrsaň "absurdy" aňladýan ekeni.
Sag bol. Ýene-de bir söz öwrendim.

0
2 MURGAP  
1401
Gazetlerde çykýan dejurny goşgulardan-a gow, name yok diyseñem.

0
3 Bagabat  
43
Bet eken.
Owal-a özüňe: "mert" diýmäge gaty uly mertlik gerek.
Onsoňam şu setirleri has bet eken:

Kynçylykda öldürmedim özümi,
Ölen başga boldy, aglan men boldum.

Berkella!

0
7 yaran_yagmur_9  
1578
Bu onuň diňe liriki gahrymany dälmi näme? Men "Göroglynyň pelsepesi" diýip bir zat ýazsam, özümi Görogly hasap edýän bolmaryn-a.

0
5 Remezan  
1397
Dereksiz, sözde ilýuziýa ulanýa, birwagtky 1941-45, ýa Açlyk çekilen döwürleriň ysyny berýär, Un gutarsa, kim bugdaý orýa, bu adamy pikirini başga ýana alyp gidýär. Ýagny göz öňüňde janlanan peýzažda bir kynçylykda açlyk döwrüniň jebrini görene meňzedýär, duýgyňy oýarýar. Ýöne ýalany. Öňe sürýär

0
6 Azat_Nurgeldi  
283
"Şol dostuň wezipä geçiş toýunda,
Gülen başga boldy, aglan men boldum."

Düşünmedim şu jümlä (beýleki setirlerine-de kän düşünüp bilmedim welin) dostyna görüplikmi? Wezipä geçenine beýlekiler begenip, olam aglaýan bolsa.

0
8 yaran_yagmur_9  
1578
Özümem goşgy ýazamsoň hiç haçan iliň goşgusyna öwgi ýa tankyt ýazmaýaryn, diňe sorag berýärin ýa-da soraga öz pikirim bilen jogap berýärin.

Şu setirlere men-ä şeýle düşündim: toýda "agladym" diýip, ol öz başyndan geçirýän duýgusyny aýdanok, "şol toýda beýlekiler-ä hezil edip güldüler, meni bolsa aglatdylar" diýjek bolýar öýdýän. Ýogsam, belki, begenip barandyr, soň adalatsyzlyga, zulma duçar bolup aglapdyr öýdýän.

0
9 Azat_Nurgeldi  
283
Menem şonuň üçin soragly ýüzlendim, Sizem jogap berdiňiz, minnetdar. Belki Siz mamlasyňyz, sebäbi, käbir halatda wezipä bellenmek jeza bermek bilen deň derejede kabul edilýär. Jogapkärçilik ýüklenip soňam jogap soralýar. Şu manyda alyp okasaň hakykata dogry gelýär.

0
10 yaran_yagmur_9  
1578
Belki şol toýa asla çagyrylman, başgalar çagyrylandyr, şony aýtjak bolýandyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]