23:28 Näzenin tilki | |
NÄZENIN TILKI
Allegorik degişme Tanaýaryn bir näzenin tilkini, Ol örän eýjejik, owadan tilki. Eger ýolda-yzda gabat gelseñiz, Meniñ sözlerimiñ rastdygna belki, Özüñizem magat göz ýetirsiñiz, Üst-başy uçursyz tämizdir-tämiz! Beýle tämizligi men-ä görmändim, Aý ýok, sizem gören dälsiñiz heniz! Ýöreýşi-de degýär onlarça tilkä, Keseden syn etseñ gadam urşuna. Ýerin gaýmagyny bozman barýandyr, Sallanjyrap näz-kereşme durşuna! Salamlaşýar gabagyny galdyrman, Ol hemmä mähriban, ol hemmä eziz, Men-ä beýle asyllylyk görmändim, Aý ýok, sizem gören dälsiñiz heniz! Assa basyp geçip giden ýerinden Günuzyn aýrylmaz atyryñ ysy. Göriplikden ýaña ony görende Dodak çöwürýärler tilkileñ käsi. Gelişjek ol kaşañ-kaşañ köşklere, Has gelişjek berseñ ýanyna keniz. Beýle tämizligi men-ä görmändim, Aý ýok, sizem gören dälsiñiz heniz! Bolmaz diýleni çyn bir kemsiz gözel, Wah, nätjek-dä, bir ýetmezi bar onuñ. Diýsem dili bilen söýýän ýigidiñ: "Şeýle aldawçy ol däl çakyñ-çeniñ! Erte-erte diýip, aldap ýörmänjik, Razylygyn berse, toý tutmakçy tiz! Beýle aldawçyny men-ä görmändim, Aý, ýok, sizem gören dälsiñiz heniz!" Hemra ŞIROW. | |
|
√ Rubagylar / Goşgular - 13.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Жизнь / Goşgular - 29.02.2024 |
√ Şert / Goşgular - 09.02.2024 |
√ Är garrar... / Goşgular - 30.04.2024 |
√ Gije hem gündiz / Goşgular - 07.02.2024 |
√ Победителям / Goşgular - 29.02.2024 |
√ Aldawçynyñ pañ-pañy / Goşgular - 18.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Garaş maňa / Goşgular - 17.02.2024 |