Ogluň ýol ýitirdi kaka

OGLUÑ ÝOL ÝITIRDI, KAKA...

Ogluň ýol ýitirdi, kaka,
Bolup yşkyň şermendesi.
Ýolum ugraşmady Haka,
Mynasyp däl her bendesi.

Obada karar tapmadym
Ömrümiň alabahary,
Şol günler ýöne ýatmadym,
Küýsedim gohly şäheri.

Bilmedim, dogry etdimmi,
Atlandymmy albaýyna?
Soraga jogap tapmanmy,
Şu ömrümiň ýolboýuna.

Başym püre-pür howsala,
Kalbym doly haýyr-engam.
Başda eýlenip gowgaýa,
Juda agyr eken heňňam.

Bilmedim, nämeden boldy,
Ýöremäge ýoly barka
Dumanyň içinde galdy –
– Ogluň ýol ýitirdi, kaka…

Meretmämmet HANMÄMMEDOW.