02:04 Säher | |
SÄHER
Halyl Kulyýewe Dañ agarýar gadym endigi bilen, Ýüzi ýagty, ýürek maksady aýan. Tebigata berip säher salamyn Öz öýümden her gün işe ugraýan. - Öñden çykýar hoşniýetli adamlar, Ganat berýär hoşniýetli köñüller. Ak sähere toý şatlygyn seçip dur Ýigitleriñ bagty ýaly ter güller. Bu säher şeýle bir jak-jaklap gülseñ, Dag-düzler, sähralar ýañlansa gitse! Ýa-da gygyryplar aglasa birdem, Ýürekde hasratlar soñlansa gitse! Emma gaty tolgunamok, aglamok, Çünki säherlerde adatylyk bar. - Ýaşyl otlañ jemalyna baglanyp, Şol bir heñin gaýtalaýar bulaklar... Bu säher birini bagt bolup öper. Kime hasrat berer... (Bilýän deñ dälin) - Bu säher biriniñ doglan günüdir, Ýogalan günüdir ýa bir bendäniñ... Tükenmez oýlary hyýala öwrüp, Gozgaman hiç kimiñ ýürekde derdin, Tylla Güneşimi ýüzüme sylyp, Işime ugraýan ýylgyryp her gün. Döwlet ANNAMYRADOW. "Sowet edebiýaty" žurnaly, 1987 ý. | |
|
√ Yzany yşkyma ýamag etdim / Goşgular - 15.04.2024 |
√ Goltugy daşly adam / Goşgular - 05.01.2024 |
√ Ýagyş damjasy / Goşgular - 24.03.2024 |
√ Aldawçynyñ pañ-pañy / Goşgular - 18.01.2024 |
√ Mürze ýigit / Goşgular - 12.03.2024 |
√ Perişan kalbyñ umydy / Goşgular - 01.01.2024 |
√ Lenç edilen nakyl / Goşgular - 05.02.2024 |
√ Estagfurullaly bentler / Goşgular - 14.02.2024 |
√ Suwdan ot çykaran goşgy / Goşgular - 31.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
Teswirleriň ählisi: 0 | |