Sähralar

SÄHRALAR

Köňül içre doldy gussa, neýläýin biçäre men.
Mukam kibi tesellisiň jigeri awana sen,
Ýollaryňda, gollaryňda misli bir awara men,
Ýarylypdy darka-darka dabanym-a sähralar.

Goç ýigitleň mazarymy dymyp ýatan depeler,
Il derdine asman aglar, gözýaşyny sepelär,
Görogly beg il daýanjy, ile-güne nep olan,
Şolaň dembermezniň yzy galanym-a sähralar.

Çekdigim aýralyk dagy, sözlerim ýitelipdir,
Saraldy gözlermiň agy, göreçlem kütelipdir,
Sähram, sen ýüregmiň ýagy, ogluň men bitelikli,
Ömürler boýy ykbalym saýanym-a sähralar.

Sende atalaň namysy, eneleriň mähri bar,
Mert ýigitleň Watanyna peýmany bar, ähdi bar,
Magşar güni gözlerime sen öňküden mähriban,
Ýaşaýşyň tez atyndan agaryn-a sähralar.

Gurbandurdy ORAZOW.