Şükranalyk

ŞÜKRANALYK

"Oñarsañ bar zady oñatlyga ýor"
Gurbannazar EZIZOW.

Gürrüñe girişdim Gurbannazaryñ
şygar edinerlik sözleri bilen,
tapan pikirlerni durman ýazanyñ
nusgalyk - irginsiz gözlegi bilen.

ýogsa bizem dürli goşgular bilen
okyjylañ nazaryna kän ildik.
Ykrar edilme ýok boş gylaw bilen
düýpli pikir talap edýär - kämillik.

Ikimiz hakynda däldir bu goşgy
il derdine derman pikirler hakda.
gussalary serpikdirip,
ýuwaşja,
pytradyp goýberjek şükürler hakda.

Synlap düşünmeli synçylygymdan,
dogrusy,
ýüregim ýadabam barýa.
...Dünýäniñ dowamly kynçylygyndan
bir gez ýokkarakdan - şat adam barýa.

Ol ýylgyryp barýar,
Uýýar mähelle,
ýylgyrýan ýakymly dünýäli bolar.
Şu gün säher ýarlyk aldym şäherden:
"ÝYLGYRYÑ, ...hemme zat gül ýaly bolar!"

@ Aşyrmät GARLY.