07:30 Tüýdügiñ "jaýlanyşy" | |
TÜÝDÜGIŇ «JAÝLANYŞY»
Baky Maşakowyň ýadygärligine Men düýnem öňňinki bolan wakany – Süýnüp giden goşa ýyldyzy ýatlap, Bir goşgy ýazmaga synanyp gezdim, Duýdansyz ýitirlen baýlygy ýoklap. O goşgy hut seniň Hem seniň bilen Özüniň örküni ömürlik baglan; Islese, kalbymyň buzun ereden, Islese, ot bolup bagrymy daglaň; Kyn günde gözleriň syryp ýaşňy, Toý güni ýaşlaryň gyýyp nikasyn Gezen şo-l tüýdügiň agysyn aglap, Tutmalydy şol tüýdügiň ýasyny. Sebäbi sen bilen hoşlaşanymyzda: «Tüýdügem ömrüni soňlady» – diýdik. Bu gün senem soňky ussadyň bilen, Nätjek, bir gabyrda jaýlaýas, tüýdük! Hoş tüýdük, Arkaýyn ýat senem! – diýdik – Indi ikiňize, duşma ýok bizе...» Bu gün bolsa, düýnki ýazjak goşgyma, Öňňinki howlugyp aýdylan söze Käýinip otyryn, Çünki şo-1 tüýdük Çykypdyr mazardan Hem bir gerçegiň Elinde dür saçyp, saýraýar bu gün, Äşgär edip uzak ömür sürjegin. Äşgär edip bu gadymy sungatyň – Jadyly tüýdügiň Hem seniň ýaly Meşhur ussatlaryň kesbin ýöreden, Saz bilen bejerip dertli dünýäni Gezen adamlaryň Bir gabra sygyp, Uzak ýatmajagnyň hakykatdygyn Dünýä ýaýyp, bir gerçegiň elinde Şo-1 «jaýlanan» tüýdük saýraýar bu gün. Saýraýar, Tenekar owaz ýaýraýar, Diňleýän, Her heňde bir gez beýgelýän. ...Düýn goşgy ýazmanma ahmyr edemok, Ony şu gün ýazýanyma begenýän. Italmaz NURYÝEW. | |
|
√ Estagfurullaly bentler / Goşgular - 14.02.2024 |
√ Düýş hem ýagyş / Goşgular - 09.01.2024 |
√ Moskwadan görýärler / Goşgular - 30.01.2024 |
√ Ak buýnuzly ak maral / Goşgular - 01.01.2024 |
√ Garyp köñlümiñ soltany / Goşgular - 21.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Gije hem gündiz / Goşgular - 07.02.2024 |
√ Meniñ monologym / Goşgular - 01.01.2024 |
√ Nar / Goşgular - 22.04.2024 |
√ Ýogaldy / Goşgular - 05.05.2024 |
Teswirleriň ählisi: 0 | |