Ýaşlygymyñ gaýmagy

ÝAŞLYGYMYÑ GAÝMAGY

Dur gaýmagy bozulmadyk duýgular,
Señ üçin.
Ýatyr topy bozulmadyk owazlar,
Çalynmadyk heñ üçin.

Dur señ üçin,
Buzlañ mermer bedenin,
Güýzleñ çykarynşyny,
Görmedik gözler.
Namazlygyñ serhedinden çykmadyk,
Mukaddes sözler.

Rowa görüp bilmedim men olary,
Öñýetene.
Gysgandym polatlygmy
altyn çaýylaryndan.
Wagt maña rehim etdi,
Terligme tiñkesin dikmän,
Saklady aýalarynda.

Diñletmedim öñýetene,
Arzuwlarmyñ pyşyrdysyn,
Dükürdisin ýüregimiñ.
Görkezmedim öñýetene
Dünýämiñ ygşyldysyn,
Şuglasyny görejimiñ.

Çyrpynýar ýüregimde,
Hiç kim bilen paýlaşmadyk şatlygym.
Aýap goýdum señ üçin,
Dur gaýmagy bozulmadyk ýaşlygym.

Hudaýberdi SÖHBETOW.