Arap pähimleri

ARAP PÄHIMLERI

- Kakañ miras galdyrmadyk bolsa, agaña bil baglama.

- Karz berseñ - sen dost, algyñy dileseñ - sen duşman.

- Karz almak - süýji, bergiñi bermek - ajy.

- Kesekiniñ bugdaýyndan öz arpañ gowudyr.

- Köp gürleýän adam, özüne bolan sylagy ýitirer.

- Kim bir kemsiz dost gözleýän bolsa, ol dostsuz galar.

- Könäñi aýap sakla, täzesiniñ bolmazlygy mümkin.

- Kim gaty uly bölegi dişläp alsa, onuñ bogazyna tegek bolmagy mümkin.

- Kim ekinini suwarýan bolsa, ol bugdaýyñ döwegini-de döwer.

- Kim kesekiniñ gybatyny edýän bolsa, ol seniñem gybatyñy edýändir.

- Kölege bermeýän agajy kesýärler.

- Kör bilen bir tabakdan nahar iýeñss adalatly bol.

- Maly gulagyndan ýapyşyp tutýarlar, adamy dilinden.

- Masgaralyk ömrüñden-de uzyndyr.

- Maýmyn aýnada öz keşbinden gorkýar.

- Nahar ilkinji lukmadan başlanýar, dawa ilkinji sözden.

- Ogluñ - özüñki, gyzyñ - kesekiñki.

- Özüñ ýagşylyk eden bolsañ, öwünme, özüñe ýagşylyk eden bolsalar - aýt.

- Öz syryñy hemmeden gowy öz ýüregiñ saklar. Öz aladañy garyndaşlaryñdan başga hiç kim paýlaşmaz.

Terjime eden: Hangeldi GARAHANOW.

Surat: K.Makowskiý / "Arabyñ portreti"