Aýallar

AÝALLAR

Düşündiriñ hany, siz näme beýle,
Ýük astynda ýegşerip dur egniñiz.
Hyzmat, hormat. (Ony görýän erkekler,
Siziñ bolsa artyp barýar begligñiz).

Günüñiz galdymy olara siziñ,
Boýunlarna özüñizi taşlara.
Näzikligni ýitirdimi göwnüñiz,
Degilenni duýman tiz bagyşlara.

Maña siziñ ýagşylygyñyz ýaranok,
Ony arka düşýän dag ýaly görýän.
Ömür höküm süren bu deñsizlige
Nätseñizem men-ä başgaça garýan.

Oýanyñ, oýlanyñ, oýanyñ tizräk,
Çaky bolmalydyr beýle aldanmañ.
Janyñyz ikimi? Öýdür dükana
Bir özüñiz ýetjek bolup ylgamañ.

Öñünden duýdurýan,
Şeýle wagt ger,
Açylar bu gapy gadyrsyzlara,
Mert boluñ ezizlem, juda mert boluñ!
Güýçler ejiz geler muña çydara.
Ömür gymmatlydyr, günlerem kän-ä
Dünýe-de kagyzdan gurlan öý däl-a.

Eý, aýallar!
Ýyldyzlary guçuñ-da
Öñden gelýän aýagyzy öçüriñ.
Söýmegi başaryñ, doguryñ çaga
Ömür gymmat, ýaşan ýaly geçiriñ.

...Sizi kiçelmeden Hudaý gorasyn,
Görsün çöl erkana keýikdigñizi.
Gözlerñize söýüp bakan erkege
Görkeziñ ezizlem beýikdigñizi.

* * *

Goýber meni,
Saklama sen ýolumdan
Bil baglama maña, bolmaz peýdasy.
Barybir giderin seniñ goluñdan,
Gerişlerden süýşen çägeler ýaly.

Çykaryn meýdana atyp ýaglygym,
Ynjaryn öýdemok ökünçden ýaña.
Erkinlikden datjak bir owurt suwum,
Bahar howasyndan artyk ger maña.

Örlen saçy çözme däldir aýralyk,
Ah şonda-da erkinligim küýsedýär.
Ownuk kinelere berme özüñi
Goýber meni dünýäm, ýollar esedýär.

Üns berme maña hem çykar ýatdan,
Meni gören wagtyñ sallama boýny.
Hemra bol mertlige,
Peýda ýok datdan
Durmuş diýlen zadyñ bu-da bir oýny.

Lýudmila ŞIPAHINA.