17:26 Bagyşla! | |
|
BAGYŞLA!
Goşgular
 Ejem! Käbäm ejem!.. Bolmadyk bolsañ, Ýaşardymmy gözel dünýäde eýsem? Belki, bolmazdym men hem! Belki... sen hem - Gözleriñi giden taýyma dikip, Hyýal atyñ bilen menziller söküp, Ýoksuradyp urşa giden ogluñy Turmazdyñ gijeler tisginip, böküp. Ejem! Janym ejem!.. Bagyşla, gelebilmedim... Seniñ gözýaşlarñy sylabilmedim. Soñky demde "Oglum!" diýip, Bu dünýäden ötdüñ, ejem. Ahyr soldat ogluñy-da Görüp bilmän gitdiñ, ejem! Ejem! Şöhratym-şanym, ejem!.. Ugradyp bilmedim soñky ýoluña. Ýazgarma meni. Gündizim-gijäm Geçdi ýeñşe alyp barýan ýörişde. Ganhor salsa-da ýara, Çekse-de dara, Gömse-de guma, Salsa-da tüme. Seniñ päk süýdüñden alan kuwwatym, Watan öñündäki kasam-niýetim - Galdyr aýaga, ölmedim, ejem! * * * Ejem! Käbäm ejem!.. Başujuñda men. Çar tarap ümsümlik. Dünýä örän geñ. Durun men bu ýerde egip başymy. Duýmazdan dökýärin gözden ýaşymy... Gel, ejem! Bir seret, soldat ogluña! Seret, ejem, seret, Perhat ogluña!.. Gurşap dur daşyñy meñ zürýatlarym! Bu günüm, ertirim, göwün şatlarym! Ruhy ALYÝEW. "Sowet Türkmenistany" gazeti, 1973 ý. | |
|
| |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Oňşuksyz öý / Goşgular - 12.01.2025 | |
| √ Ýagşy niýetler / Goşgular - 08.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Men bir ýola... / Goşgular - 12.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| Teswirleriň ählisi: 0 | |